Lafaek News—Sentru Saúde Tilomar postu administrativu Tilomar munisipiu Kovalima husi fulan janeiru to’o iha Dezembru 2024, sentru Saúde Tilomar rejistu kazu violénsia bazea ba jeneru (VBJ) hamutuk (12) kompostu husi violénsia doméstika (VD) no violénsia fiziku.
“Fatin ne’e ami seidauk inagura halo atendementu iha sala emerjensia no Ita hatene katak sobrevivensia sira nia kazu ne’e segredu no konfidensial oinsa halo separasaun ba pasiente sobrevivente ne’e la hanesan ami sempre iha ne’e 24 horas), dala ruma sobrevivensia sira mai ho polísia kedan, tanba iha ne’e mos halo piketi no fatin ne’e disponivel loke iha (24) horas nia laran karik sira mai ami halo atendimentu kedan,” fokal point Sentru Saúde Tilomar Ercia Baptista de Jesus ba jornalista, hafoin partisipa inagurasaun Uma Seguru ba vítima violénsia ba jeneru, segunda-09-12-2024.
Ercia haktuir, nia parte tuir ona formasaun médikal Forensik, maibe seidauk rejistu kona-ba ba kazu abuzu seksual, nune’e ba oin karik rejista kazu hirak ne’e sei bele halo ezaminasaun iha fatin refere.
“Kazu ne’ebé ami rejistu barak liu mak violénsia fiziku kona-ba kazu abuzu seksual ami seidauk simu, tanba ha’u rasik tuir ona treinamentu Kona-ba Medikal forensik maibe karik Kazu abuzu seksual iha ami mos bele ejaminasaun iha ami nia fatin no iha mudansa tebes mai ami tamba antes nee ami hlo ona kapasitasaun no abilidade mos antes tuir ida nee seidauk hatene konaba nia lalaok,depois tuir formasaun ida nee ajuda tebes ami mos bele halo atendimentu tuir SO-FI ne’ebé iha formasaun ne’e hetan husi parseiru internasional UNFPA,NGO BELUN ho Hamnasa, iha ne’e sobrevivente sira mai konsulta hotu ami husu sira imi hakarak fila ba uma ou hela iha ne’e no sira hatan hakarak fila ba uma, ami mos haruka sira fila i iha ne’e la’os, ha’u mesak halo atendimentu, maibe ami nain lima médiku nain ida enfermeru rua no parteira nain 2, ami halo hotu tanba tuir hotu ona formasaun kona-ba ba violénsia bazea ba jeneru, tanba vítima ho sobrevivente ho pasiente babain ne’e la hanesan, karik vítima ne’e mai hatudu sira nia tristeza ami sempre hatudu simpatia ne’e ba sira atu nu’une sira bele konfortavel liu ko’alia sai istoria no ita mos tenki apár ho kondisaun sira nian,” nia hakotu.
Jornalista : Moises Guterres
Editor : Agapito De Deus
