SOSIÁL · 6 Jun 2024 14:00 ·

Uma Lahuk Hatauk Faluk ho Oan Kiak Tinan 10 Moris Ho Mata-wen


Uma Lahuk Hatauk Faluk ho Oan Kiak Tinan 10 Moris Ho Mata-wen Perbesar

Lafaek news—Agustina da Costa Dias ho idade 80, moris iha aldeia Vailana suku Lore 1, postu administrativu Lore munisípiu Lautém, horik an iha uma ho kondisaun la dignu

Faluk Agustinha da Costa Dias ho nia oan feto ne’ebe sofre defisiensia tilun, foto hamutuk hafoin vizita husi jornalista Lafaek News, Sesta feira 31/05/2024, foto Aniceto Dias 

 Faluk Agustina da Costa Dias, moris iha aldeia Vailana suku Lore 1 postu administrativu Lore, munisípiu Lautém iha oan nain 5, hamutuk oan mane 2, feto 3, hanesan oan kiak no feto faluk, bainhira nia kaben husik hela sira moris mesak, ba hamutuk kadunan santu, mate tanba ukun rasik an.

“Ha’u nia oan hamutuk nain haat ha’u nia laen mate iha ai laran tempu Indonézia  moras mak mate, ha’u nia oan ida hola feto ba ho nia iha Atambua too agora seidauk mai, ida fali hola mane iha ne’e, ha’u nia oan Roza mak hela ho ha’u iha ne’e maibé nia tilun diuk ne’ebe ita ko’alia la rona nia mak ha’u nia oan primeiru hela ho ha’u iha ne’e,” faluk Agustina ba Lafaek News iha Lore 1, Sesta feira 31/05/2024

Agustina haktuir katak hakarak hadia uma maibé laiha osan, tanba buat hotu osan, tan ne’e kondisaun uma sai at kbit laek kalan ba toba ho viziñu no familia sira ne’ebé hela besik bainhira tempu loron hafoin ba uma hodi halo servisu.

“Ita nia forsa mak la to hodi halo, oo atu halo saida hodi hola besi ai no halo saida mak haruka ema sira ne’e mai halo ita nia uma, ai iha mak ema mai halo maibé buat hotu la iha oinsá ema atu mai halo no taka kalen osan terseira idade ne’e ha’u uja hola fos no hola modo ha’u lor-loron mak han ida ne’e kuandu la iha ona ha’u han maran de’it halo sasoro han tanba hau nia nehan mós at hotu ona” dehan kbit laek Agustina da Costa dias

Ekipa husi media ToR Oxfam ho AJTL vizita hela inan faluk kbiit laek Agustina da Costa Dias iha nia rezidensia suku Lore 1 postu administrativu Lore munisipiu Lautem Sesta 31/05/2024, foto Aniceto Dias

kbit laek Agustina, hela iha um aida kondisaun lahuk, didin ho piku, taka ho kalen feruzen, susar ba faluk ho nia oan iha tempu udan no anin nia shuut, ukun na’in la sente hanesan faluk Agustina ho nia oan defisiensia tilu sente iha aldeia Vailana suku Lore 1, sente la hakmatek iha udan no anin tenke halai ba viziñu sira nia uma hodi deskansa.

“Ba simu osan Ha’u ba mais ema bot ruma atu mai vizita hau ne’e la iha, maibé liu husi sefi aldeia perna sosial mai ajuda fo hahán lori fos mai ha’u han xefe aldeia lori kartaun eleitoral ba maka lori fos mina mai, uluk ne’e ha’u hetan fos karon ida husi sosial mai fali kedua ha’u hetan fos karon rua ida ne’e de’it,  Ha’u iha de’it uma kuase tinan sanulu resin ona tanba ha’u la iha forsa ona halo to’os la halo movimentu ba mai ne’ebé ha’u iha uma de’it, ha’u iha ne’e mós di’ak ida ha’u nia oan sira ne’ebé hela besik ne’e maka lori hahán mai no osan ne’ebé ha’u hetan mós bele hola hahán, tanba ha’u nia matan ne’e mós hare la mós ona”

Kbit laek Agustina da Costa Dias deside hamutuk ho nia oan Roza ne’ebé sai defisiente tilun tanba labele husik oan mesak hela iha uma at, maske oan nain tolu forma ona uma kain, maibé nu’udar inan la husik oan mesak iha uma at.

Programa ToR kobertura ba tinan ne’e iha munisípiu Lautém postu administrativu Loré, hetan apoiu husi Assosiasaun Jornalista no OXFAM Timor Leste hodi mobiliza jornalista husi media nasional sira tuun direta ba baze hodi identifika difikuldade povu kiik iha area remotas.

Jornalista : Aniceto Dias

Editor        : Agapito de Deus

76 Views
Artikel ini telah dibaca 116 kali

Baca Lainnya

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Defisiénsia Filomena Tinan 20 Ona Iha De’it Toba Fatin “Presiza Tebes Kadeira Roda”

22 April 2024 - 14:24

Trending di SOSIÁL