Lafaek News—Sekretariu Jerál Assosiasaun Jornalista Timor Loro sa’e (AJTL) Acacio Pinto kondena makas aktu violente husi pessoal protokolu RAEOA ne’ebe lansa asaun brutalizmu hasoru jornalista Tatoli.IP.
Sekretariu Jerál Assosiasaun Jornalista Timor Loro Sa’e (AJTL), Acacio Pinto hatoo asuntu ne’e liu husi konferénsia imprensa iha sede nasional AJTL Fatuhada Dili Timor Leste, relasiona aktu bandalizmu husi protokolu AREOA hasoru jornalista Tatoli iha RAEOA Oe-Cusse.
Acacio Pinto konsidera aktu ne’e la hatudu mentalidade demokrátiku pesoal entidade estadu nia atu garante ba governasaun no kontabilidade iha Pais Demokratiku Timor Leste nian maibe hatudu fali mentalidade bandalismo hodi impede media jornalista atu asesu ba informasaun sira ne’ebe iha ligasaun ho publiko nia.
“AJTL mos husu ba prezidente Raeoa Rogerio Tiago Lobato atu foti medida no sansaun forte hasoru pesoal protukolu ne’ebe halo aktu violentu hasoru jornalistaTatoli iha Oe-Cusse Ambeno, iha kontesta ida ne’e presizamente tenke iha garantia ida husi aparelu estadu atu media no jornalista sira livremente halo kobertura ba asuntu no informasaun ne’ebe iha ligasaun ho servisu públiku nian sem impedimentu, tanba espasu livre no liberdade asesu ba informasaun media no jornalista nian hatur kedas ona iha konstituisaun RDTL artigu 40 – 41.” Nia dehan Acacio Pinto.
Acacio akresenta, atu protéje kualidade demokrasia Iha Timor Leste kontestu garante boa-governasaun no kontabalidade entidade hotu hotu iha obrigasaun atu fo espasu livre ba jornalista atu asesu ba informasaun ne’be ligasaun ho servisu públiku tanba ne’e liberdade imprensa mak sai nudar espasu sidsdaun sira atu hato’o sira nia hanoin no komentáriu hodi hakunu prinsipiu check and balance entidade estadu nian.
Asosiasaun jornalista Timor Lorosae AJTL ne’ebe durante ne’e halo advokasia hodi promove no hametin liberdade impresario no liberdade espresaun Pais demokratiku hare katak ” aktu violente pesoal protokolu Raeoa nian hasoru Jornalista Ajensia Notisioza Tatoli Abilio Elo Nini iha 4 junho 2024 nudar tentativo ida no amiasa ba independensia Jornalismu no liberdade imprensa iha Timor – Leste nia haktuir bazeia ba aktu no situasaun ida ne’e AJTL ho pozisaun husu ba Prezedenti RAEOA, Rogerio Tiago Lobato atu foti medida no sansaun forte hasoru pesoal protukolu iha espasu públiku ne’ebe halo aktu violente hasoru jornalista Tatoli iha Oe-Cusse Ambeno.
Husu SECOMS atu komunika ho intituisaun sira estadu nian atu respeita media no jornalista nia servisu no kolabora atu jornslista sira livremente asesu ba espasu hotu iha informasaun sein iha impedimentu
Jornalista no kanal media hotu hotu iha rai laran atu fo solidaridade ba malu hosi kuntinua públiku kazu ne to hetan solusaun lolos no justu no nafatin Kumpri kodigo etika jornalista , lei no komunikasaun sosial no prinsipiu jornalismo no nafatin asegura no garantia liberdade imprensa no liberdade espresaun iha Timor – Leste.
Observasaun jornalista Lafaek News nota iha eventu konferensia imprensa ne’e partisipa masimu husi jornalista media nasional sira hanesan, Labeh, Tatoli, G-News, Independente no TV edukasaun no CAMS-TL.
Estajiaria : Idinha Fransisca
Editor : Agapito de Deus
