Lafaek News—Autoridade Protesaun Sivil (APC-Sigla Portugés), João de Souza Filipe, informa dezastre naturais durante semana ida iha fulan Marsu 2024 rezulta uma kain 72 mak estragus.
“Kada semana Ita halo konferensia de impressa fo sai atualiza dados semanal nian hahu husi dia 19 too 25 marsu tinan 2024 durante semana ida ne’e dezastre ne’ebé akontese iha munisípiu sia estragus hamutuk xefe familia 72 mak hetan uma estragus,” informa portavós APC João de Souza Filipe ba jornalista sira liu husi konferénsia imprensa iha Kaikoli, segunda (25/03/2024).
Portavos APC ne’e informa, dezastre naturais kontinua akontese iha munisípiu Ainaru, hanesan rai halai sobu komunidade hela fatin, inklui ahi han uma rua, no iha Atauro anin sobu uma kain 2, Bobonaru Anin sobu uma3, rai halai estragus 3, Covalima Anin sobu uma 1, munisípiu Ermera anin sobu uma 1, Lautem anin sobu uma 2 no inundasaun estragus uma 1, ahi-han Uma 1, Likisá anin sobu uma kain 45, rai halai estraga uma 2 no ahi-han uma 1, iha RAEOA Anin sobu uma kain 2, munisípiu Vikeke anin sobu uma kain 2 no ahi-han Uma 1, hamutuk uma kain 72 hetan esrtragus.
Tuir dadus hosi APC iha fula Marsu semana ida ne’e, frekuénsia anin ho forte 58, nune’e rezulta komunidade hela fatin 58 hetan estragus, tan ne’e parte Autoridade Protesaun Civil APC sei kolabora hamutuk ho Diresaun Nasional Meterolojia hodi atinsipa ba tendénsia udan no anin iha munisípiu inklui REAOA.
APC husu ba komunidade asegura documentos ne’ebé importante tau iha fatin seguru no komunidade sira hotu karik akontese udan ka anin boot ruma hases an husi fatin risku hanesan mota ninin, foho lolon, iha ai-hun ne’ebé boot no liña estrisidade sira.
Jornalista : Arnaldo Nunes
Editor : Agapito de Deus
