Lafaek News—Institutu Defeza Nasionál Timor-Leste (IDN), tersa (26/03/2024), hala’o abertura ba kursu anu letivu 2024-2025, no ensera mos kursu anu letivu 2023.
Iha ámbitu enseramentu kursu, 6° Kursu promosaun oficial superior (CPOS), 6a kursu pos-graduasaun ho estudu estratéjiku (PGEE) no 1a kursu pos-Graduasaun ba estudu no Mar (PGEM) 1° no abertura ba kursu ano letivo 2024/2025 ba 3° kursu ba Estadu Maior konjuntu no integradu (CEMCI), 2a kursu edisaun ba mestradu no seguransa ba dezenvolvimentu Nasionál sustentavel (MSDNS) no 1a Kursu Komandu no Alta Diresaun (CCAD).
“Ita boot sira asiste iha enseramentu sestu kursu de promosaun oficial superior nune’e mós sesta pos graduasaun estudu estratejiku primeira edisaun ba pos graduasun estudu do mar, kursu tolu taka i loke fali kursu haat ba iha atividades institutu defeza nasionál nian ne’ebé mak hatudu mai ita iha tinan sanulu nia dezenvolvimentu iha progressu barak maka iha IDN koloka atu bele valoriza rekursus humanu liu-liu ba iha kualifikasaun lideres ba kualifikasaun de profisionais ne’ebé maka tenki kaer ita nia rain ba agora no aban bainrua,” Ministru Defeza Donaciano Costa Gomes Pedro “Klamar Fuik” iha Delta Nova Loron tersa, 26/03/2024
Klamar Fuik esplika, husi kursu haat ne’e IDN finaliza kursu tolu 3 iha tinan 2024 loron 26 fulan Marsu ne’ebé partisipasaun husi 6° kursu poromosaun ba oficial superior (CPOS) hamutuk 17 husi Inspetur Xefe nain 10 husi PNTL, mane 7, feto 3 no partisipasaun kapitaun, Major no Kapitaun Tenente nain 7 husi F-FDTL, ba partisipantes kursu 6° pos graduasun estudu estratéjiku iha 30 resin, kursu 1a pos-graduasun iha estudu do mar 30 partisipantes iha tinan 2024 nia laran, ba 1° kursu mestradu seguransa no dezenvolvimentu Nasionál sustentavel (CMSDNS) sei iha faze preparasun hodi dezenvolve ba traballu investigasaun sientífiku nune’e sei muda ba tinan oin
Iha serimonia enseramentu kursu anu letivu 2023 no abertura kursu anu letivu 2024-2025, Ministru Defeza ne’e fahe sertifikadu ba formandus iha 6° kursu promosaun oficial superior (CPOS), 6° Cursu pos graduasun estudu estratéjiku (PGEE), 1a edisaun pos graduasun estudu no mar (PGEM), no kursu tolu taka no kursu haat loke fali ba atividade IDN ne’ebé hatudu iha tinan 10 nia dezenvolvimentu iha progressu barak IDN koloka hodi valoriza rekursus umanu ba kualifikadsun líder, kualifikasaun profisional hodi kaer rai doben Timor-Leste.
Iha sorin seluk Diretor Interino Institutu Defeza Nasionál (IDN), Guilherme Soares haktuir, realiza kurssu tolu 3 ne’ebé IDN iha tinan 2023-2024, kursu tolu 3 mak promosaun oficial superior (CPOS), kursu pos-graduasaun estudu estratéjiku (PGEE) no kursu pos-graduasun estudu no mar (PGEM) ne’ebé determina iha loron 26 fulan Marsu tinan 2024 ho ida ne’e kontinua ba abertura kursu foun ba tinan 2024 to 2025, 3° kursu ba Estadu Maior Konjuntu no integradu (CEMCI), 2a kursu edisaun ba mestradu no seguransa ba dezenvolvimentu Nasionál sustentavel (MSDNS) no 1a kursu komando no alta diresaun (CCAD).
“Ami realiza kursu tolu sestu promosaun oficial superior, kursu pos graduasun estudu estratejiku, no kursu komando no alta diresaun, tanto ida ne’e ohin ita determina i ita halo fali abertura ba Kursu foun tanto kursu estadu major konjunto integradu i depois iha tan kursu mestradu segunda edisaun nian iha mestradu seguransa dezenvolvimentu Nasionál i depois ho tan kursu altos komandos altos identidades nian” haktuir Diretor Interino IDN
Iha graduasaun ne’ebe husi Institutu Defeza Nasionál nian graduadu hamutuk 80 ba kursu tolu 3 no iha komponente kursu promosaun oficial superior tinan ida, portantu durasaun fulan 9 , kursu pos-graduasun estudu estratéjiku ba kursu sira ne’ebé hamutuk ho forsa armadas sira ho sivil iha estratéjiku nian ne’ebé aprende Jeopolitina nian, Kursu pos-graduasun estudu no mar ne’ebé parseria ho IDN ho Institutu Universidade Portuguesa fakuldade direitu Porto ne’ebé sai parseria ho Institutu Defeza Nasionál.
“Ohin ne’e por volta de 80 pesoas portanto husi kursu tolu ida ne’e, iha por ezemplu komponente kursu promosaun oficial superior ne’e sira tinan ida sira halo kursu durasaun durante nove mezes portanto iha ne’e mil ital oras i depois mai fali kursu pos graduasun estudu estratejiku kursu ida ne’ebé mak konjunto entre forsa sira hamutuk ho sivil sira iha parte estratéjiku nian aprende jeopolítika aprende Jeo-estratéjiku nian i depois kursu estudu do mar parseria entre IDN ho Institutu Universidade Portuguesa fakuldade direitu do porto,” hakotu nia
Jornalista : Aniceto Dias
Editor : Agapito de Deus
