Lafaek News—Akontensimentu joven ida hosi Atauro mout iha Munisípiu Lautém, postu Administrativu Lautém insidente ne’e mosu iha Segunda (25/03/2024) tuku 7 : 00 Otl dader iha tasi Lautém too agora buka seidauk hetan.
Vítima ne’ebé mout iha tasi laran ho identidade Tobias de Castro orijen husi postu administrativu Ataúro, vítima halo uma iha Sika, derepente vítima hakat ba tasi laran hodi buka ikan nune’e korrente tasi forsa maka’as rezulta vítima mout ba tasi okos.
Abilio Branco da Cruz, nudar sasin iha akontesimentu ne’e haktuir katak iha dadersan vítima sei hemu kafé hamutuk ho kolega sira, nune’e vítima husu ba nia kolega ida naran Asala, atu nia ba tasi laran, maibé vítima nia kolega ne’e rezeita katak lalika ba tasi laran, maibé vítima obriga nia kolega Asala ikus mai sira nain rua ba duni tasi hodi luku hodi buka ikan atu han meudia nian.
Nune’e, vítima komesa hakat ba tasi ibun hodi fase oklu tasi nian hafoin uza ba matan hodi luku, ho nune’e vítima luku uluk ona, nia kolega Asala tuur hein iha tasi ibun, maibé vítima luku ba tasi laran liu tiha oras ida mos la foti ulun too lakon de’it iha tasi laran too oras ne’e família sira buka seidauk hetan.
“Iha akontesimentu ne’e vítima ho nia kolega Asala bá duni tasi hodi luku tasi nune’e to’o iha tasi ibun vítima hakat ba tasi ibun hodi fase oklu ne’ebé tasi nian hodi taka matan ba luku, ho ida vítima tama ba tasi laran hodi luku tun ba tasi kolega vítima Asala hein iha li’ur hodi hein to’o minutu hat no lima vítima la foti ulun, ho ida ne’e vítima nia kolega Asala hakfodak hodi buka to’o minutu sanulu nafatin la mosu koleega senti triste ho matan been no tanis tanba nia kolega lakon ona nia vida hodi husik nia kolega sira seluk ne’ebé servisu hamutuk, Kolega asala hein nia iha liur rai nehek nian, molok nia luku ba tasi nia sei fase hela oklu, nia fase hotu komesa tau ba matan no lukun tun ba tasi, kolega asala sai mai iha rai henek no soe bee kiik, derepenti Too minutu 4/5 la foti ulun, ne’ebé nia kolega asala hakfodak no buka, Too minutu 10 hnsan ne’e nia klg Asala komesa laran triste ona tamba kolega la sai mai ona, entaun nia tanis tur hela, ” haktuir sasin Abilio Branco da Crúz.
Abilio haktuir, vítima nia kolega seluk ho naran Ady ne’ebé hein hela uma, nia sente hein kleur Asala ho vítima Tobias seidauk fila hosi tasi, Ady ba tuir iha tasi hodi haree vítima nia kolega Asala mak tuur tanis hela hodi haktuir ba nia katak Tobias seidauk sai hosi tasi too agora.
“Kolega ady nia iha uma ne’ebé sira halo ne’e no hanoin katak kolega nain rua ba tasi kleur tebes, Ady mos komesa tuir sira nain rua ba tasi, to’o iha tasi ibun kolega Asala tur hela no tanis, Ady husu dehan nune’e, Asala nusa mak o tanis? Sala hatan kolega luku tasi la sai mai ona entaun Ady laran triste ona katak, ha’u nia kolega mout ona iha tasi laran”
Entretantu, Jornalista Lafaek News tenta konfirma sasin sira iha postu administrativu Lautém, maibé sasin sira informa katak too agora hetan ona vítima Tobias ropa, maibé isin lolon lakon total, maibé parte seguransa PNTL eskuadra Lautém hamutuk ho ekipa bobeirus kontinuna buka hela vítima isin ninia paradeiru.
Jornalista : Aniceto Dias
Editor : Agapito de Deus
