Lafaek News–Diretor UD Palma MTC, Filomino Batintf informa, foin lalais UD Palma hatama motor 400 resin la responde, tanba klientes barak liu stock motor, sei importa motor 1.000 tuir kliente nia presiza.
Armajen UD Palma oras ne’e da-daun laiha motor faan, maibé klientes kontinua hobur iha UD palma nia oin hodi provoka engarrafamentu iha area parte Akait nian, nain ba loja UD Palma decide sei hatama tan motor 1.000, iha loron besik.
Iha momentu ne’eba ha’u sente hakfodak, haree kliente sira sena malu, maibé ha’u nafatin esplika ba sira katak, agora ami haruka tiha osan, motor 1.000 nia folin ba ita nia parseiru maibé produsaun iha indonesia mak failla entaun ami hein de’it sira importa mai mak ita simu,” dehan Diretor UD Palma Filomino ba Lafaek News iha nia kna’ar fatin Formoza Dili, 25/01/2022.
Filomino relata, momentu ne’eba kliente ida sosa motor 2 too 3, tan ne’e kliente sira seluk ne’ebé mai tarde la konsege sosa, stock iha ne’e mamuk ona, kliente barak liu maka buka motor beat cbs, maibé motor ne’e foin lalais sira importa de’it 144 unit.
Dadaun ne’e sasan husi fatin produsaun motor mak la iha tanba baibain kada fulan ami sempre halo importasaun motor 400 resin entaun stock nunka mamuk, Agora motor iha armajen hotu ona maibé ha’u sei importa motor 1000 tanba kliente sira barak atu sosa motor,” Filomino esplika.
Filomeno mos hakfodak iha nia moris foin primeia-vez haree Timor-oan sira sosa motor hadau malu iha loja UD Palma, ema barak liu sosa de’it motor Beat cbs ho Beat Stear, iha loron 05/01/2022 kliente mai barak liu entaun sira okupa tiha dalan protokolu halo transporte públiku mós la’o la di’ak, nia hato’o Sujestaun ba kliente sira ne’ebé atu sosa motor di’ak liu mai iha situasaun ne’ebé normal duke mai sena malu mak motor la iha ona mos ladún di’ak.
Ita boot sira rai hela osan ne’e, motor sei iha maibé tuir prosesu, tan nee husu ba kliente sira diak liu mai iha situasaun ne’ebé la sena malu nune’e mai karik tama liu dealer laran foti kedas motor,” nia sujere.
Diretor UD Palma MTC Filomino Betintf esplika, Bainhira sira sosa motor sempre selu taxa ba estadu kuaze $.20.000.00 tanba motor ida kona $.54.050.00 entaun kada fulan nia importa motor 400 resin, no mós selu iha ponte kais kuaze $.2.000.00 bele too $.3.000.00.
Jornalista :Orlando Magno
Editor : Agapito de Deus
