Lafaek News–Tuir dadus ne’ebé Servisu Tékniku Administrasaun Estatal (STAE) Munisípiu Lautém rekoila bajeia ba atualizasaun baje dadus ne’ebé durante ne’e halo iha Munisípiu Lautém totál eleitores 48.521 sei partisipa iha eleisaun prezidensiál 2022-2027.
Diretór servisu Tékniku Administrasaun Eleitoral (STAE), Sergio Belmonte hateten STAE Lautém prontu nafatin atu halo eleisaun prezidensiál ho di’ak iha munisípiu ne’e.
Tanba dadus eleitores ne’ebé rejista boot tebes ho totál eleitores sira ne’e mak ami prepara sentru votasaun hamutuk 80 no estasaun votasaun hamutuk 9,’’ hateten Sergio Belmonte ba Lafaek news iha nia kna’ar fatin STAE Lautem, tersa (25/01/2022).
Entretantu, Prezidente Repúblika dekreta hela eleisaun sei monu iha loron 19, fulan Marsu 2022, STAE munisípiu Lautem antes ne’e hahú ona preparasaun dahuluk ba eletor sira, liu- liu ba sidadaun sira ne’ebé mak iha loron 1 fulan Julhu liu ba konsege resensia eletores sira foun 1.994.
Ita mós konsege atualiza kartaun 3.601 eleitores mak ita konsege atualiza ida ne’e faze ida atu prepara ita nia eletires sira hodi tuir votasaun iha eleisaun prezidensiál tinan ne’e.”
STAE munisipiu Lautem mos halo rekrutamentu ona ofisiál postu nian hodi halo servisu durante fulan 6 laran, halo servisu rekoilia lista mate no halo resensimentu iha Nobel postu nian, preparasaun ba lojiatika husi nasionál transporta ona mai iha Munisípiu. uniforme ba polling staff ho brigada sira agora da-daun preparadu ona hein de’it ba eleisaun iha 19 Marsu 2022 ne’e.
Jornalista : CE. Lautem
Editor : Agapito de Deus
