Lafaek News–Tratór ne’ebé governu liu husi Ministériu Agrikultura no Peskas (MAP), hodi distribui ba grupu agrikultores sira uza fila-rai, maibé ikus-ikus ne’e nakfilak ba vaskolante hodi tula fali lixu iha munisipiu Lautem.
Trator nakfilak ba vaskolante tanba hetan orientasaun direta husi Administrador Munisipiu Lautém, Domingos Savio, ho razaun governu la halo ona kontratu ho kareta vaskolante hirak ne’ebé normalmente rekoilla lixu iha munisipiu ne’e, ikus mai deside trator mak tenke rekoila fali lixu iha sidade munisipiu ne’e nia laran.
Administradór Munisípiu Lautém Domingos Savio hateten uza trator fila-rai ba rekoila lixu ho razaun ida tan oras ne’e iha adventual konkursu públiku ba kompania sira ho durasaun tempu fulan 3, maibé volume lixu kontinua aumenta kada loron pasiensia uza trator hodi raut tula ba soe.
Razaun ne’e hanesan ne’e kuandu orsamentu ida sai presija tenderizasaun hein tenderizaun maka ita hein fulan tolu nia laran Janeiru fevereiru too Marsu mak ita foin bele entaun lixu iha sidade laran ne’e, bele butuk ne’e hanesan problema ida, ha’u fo ona orienta ba patrimoniu lojístiku identifika nia problma atu oinsá tinan oin ne’e tau osan sosa kareta para raut lixu, ne’ebé ha’u nia orientasaun rekursu ne’ebé mak iha tenke antisipa raut foer uluk hodi raut foer sira ne’e, lae foer iha vila laran bele butuk,” dehan Domingos Savio ba lafaek news iha kn’ar fatin Lautem, kinta (27/01/2022).
Savio fundamenta, normalmente prosesu konkursu públiku ne’e sei lori tempu, la signifika loron ida ka rua de’it, máximal fulan tolu nia laran hafoin haree rezultadu final.
Sim tenderizasaun han tempu sira sei prosesu tenderizasaun han tempu la’ós loron ida rua, bele to fulan, entaun labele hein fulan, ita nia komunidade soe foer ne’e la’ós to fulan mak soe kada oras no kada loron entaun bele nakonu, antisipa ida ne’e laiha rekursu seluk so ida ne’e mak ita bele,” tenik Savio
Observasaun lafaek news nota no haree direta da-daun ne’e ekipa saneamentu Munisípiu Lautém raut hela foer uza trator fila rai, tanba lixu kontinua namkari no naklekar an iha fatin lixu nian ho volume ne’ebé boot iha Lospalos villa.
Jornalista : CE. Lautem
Editor : Agapito de Deus
