Lafaek News–Sekretáriu Estadu Formasaun Profesional no Empregu (SEFOPE), Kinta/05/2023, iha ne’ebé halo despedida ba kandidatu traballadór Timor-oan hamutuk 30 ne’ebé sei ba servisu iha nasaun Austrália.

Tuir Gabinete Sekretáriu Estadu Formasaun Profesional no Empregu Jacinto Ribeiro Dias haktuir katak, liuhusi seremonia despedida ne’ebé SEFOPE halo sempre tinan-tinan, tanbá tinan- tinan ikus ne’e halo iha kada semana-semana de’it ne’e tanbá demanda merkadu traballu ne’ebé mak bo’ot.

“Objetivu husi seremonia ida ne’e atu fó hanoin ba malu no korajem ba malu husi governu, ita mós halo asina akordu entre inan aman atu aseita ita nia oan sira hodi ba servisu, tanba ne’e seremonia ida ne’e hanesan seremonia ikus ba korajen bainhira traballadór ida husik ita nia rai ba servisu iha ema nia nasaun, tanba ne’e ita mós tenki fó mensajen ba sira hodi ba servisu iha ema nia rai, atu nune’e tane ita nia dignidade nasaun iha ema nia rai, husi traballadór hirak ne’e hamutuk na’in 30 kompostu husi feto 3 no mane 27, iha ne’ebé traballadór hirak ne’e sei ba servisu iha komapaña ha’at mak sei simu sira nia prezensa, tanba ne’e sira sei prepara no desloka tuir viza ne’ebé mak iha fulan Outobru nian laran,” Governante ne’e haktuir.

Nia afirma tan katak, tanbá saida mak tenke ba servisu iha ema nia rain, tanbá nesesidade mak obrigada, sé moris di’ak hela ba halo saida, tanbá ne’e moris mak obriga hodi ba servisu iha ema nia rai nune’e fila fali mai bele fó moris ba família no nasaun.

“Tanba ne’e liuhusi SEFOPE hakarak husu ba ita bo’ot sira ba hodi servisu, tanba ita lubuk ida mak forma hela iha ne’e, sé mak forma oan, laen, fen no familia, forma ho kondisaun saida moris la di’ak no uma ho kondisaun ne’ebé a’at, liuhusi buat hirak ne’e mak obriga ita hodi ba servisu iha ema nia rai, la’os ita ba hodi hakiak história iha nasaun Australia, tanba ne’e husu ba traballadór na’in 30 ne’ebé sei aranka ba Australia, imi ba atu deskobre imi nia moras ne’ebé mak tempu naruk imi hasoru iha familia no nasaun”. Tenik nia.

Entretantu Diretór Nasional Emprega Estrajeiru (DNEE) João Coreia Pereira, Hatutan katak, liga ba vaga online ne’ebé antes ne’e SEFOPE halo hodi fó oportunidade ba joven sira iha teritoriu Timor-Leste, iha ne’ebé antes ne’e la’o hela ona, tanbá ne’e iha faze primeiru fó sai ona no iha faze segundu sei iha prosesu verifikasaun nia laran.

“Tanba ne’e ami mós koko halo esforsu ba ida ne’e hodi fasilita ita nia joven sir aba servisu iha nasaun Australia, hanesan ita hatene katak, ita nia joven barak presiza tebes atu asesu ba kampu de traballu iha ema nia rai, liuhusi programa sira ne’ebé mak ita iha, tanba ne’e husi traballadór sira ne’ebé mak servisu ona iha Australi ba tinan ida ne’e hamutuk 2000, maibé tinan ida ne’e seidauk remata ita labele responde total husi traballadór na’in hira mak ba servisu iha Australia”. Hakotu nia.

Jornalista : Crispin de J. Amaral

Editor       : Paulo Collo