Lafaek News—Koordenadora Jerál Komisaun COVID-19, Odete da Silva Viegas, informa, ohin Timor-Leste rejista tan kazu importadu pozitivu COVID-19 hamutuk ema na’in lima (5), kompostu husi feto rua mane tolu no ohin ema hamutuk na’in rua maka rekuperadu ona husi sala izolamentu
“Atualiza kazu pozitivu foun COVID-19, Ohin 2 fevereiru 2021 husi komisaun nasionál, rejista tan sidadaun estranjeiru ema na’in 5 ne’ebé konfirmadu pozitivu COVID-19 kompostu husi mane 3 no feto 2, Entre sira ne’e mane iha idade 52, 50, 15 no feto iha idade 14 ho 18, sira ne’e hotu asintomatiku,” esplika Dermatolojista Koordenadora Jerál komisaun COVID-19, Odete da Silva Viegas, iha ámbitu Komunikadu Imprensa, Palasíu das Sinzas, Caicoli, Tersa (2/02/2021)
Koordenador ne’e konta tuir viajen sidadaun hira ne’e , Sira husi Tanzánia iha 17 janeiru 2021 no 20 janeiru sira tun iha Aeroporto Dili ho aviaun Malázia Airlines Sira halo auto-kuarentena iha Lorenso Campound Metiaut no fatin refere prenxe duni prosedimentu Covid-19, no Teste swab foti iha dia 29 janeiru, resultadu RT- PCR pozitivu SARS CoV-2 relata iha 1 fevereiru 2021,
Alende ne’e, Iha loron 20 janeiru ne’e pasajeiru Malázia Airlines hamutuk ema na’in 75 Iha Dili sira hela iha diferensa ótel no apartementu hamutuk 19 hanesan : Ótel Arbiru Beach, Ótel Timor, Kampaun Beach House, Rezidénsia Malinamok, Villa Mata Rua, JL Vila, Kampaun Menoa, Ótel Time Square, Villa Bemori, Jack Sing Apartementu, Kampaun Timor Resort, Beach Garden, Palm Beach, Rezidénsia Tuana Laran, Ray Garden Apartamentu, Rezidénsia Jacinto, Villa Mar, USA Embassy no Rezidénsia Comoro)
Nia haktuir, Ohin 2 fevereiru ministériu saúde mós fó sai hikas pasiente rekuperadu COVID-19 na’in 2 Mane ho idade 16, Nia baixa iha 24 janeiru, teste primeiru foti iha 28 janeiru no teste segundu iha 1 janeiru no rezultadu negativu tutuir malu,
Enkuantu tuir dadus 2 fevereiru 2021 Komulativu Teste totál 19223, Hein Rezultadu 64, Kazu Foun hamutuk na’in +5, Komulativu Kazu75, Rekuperadu 2, Komulativu Rekuperadu 53+4 = 57, Atuál Baixa 22 iha (Vera Cruz: 21, RAEOA na’in 1) Kumulativu Negativu hamutuk 19084, Pasa ona husi 14 Dias totál 7513, sei iha Kuarentena 229 (Dili 125, no Munisípiu 104) Auto-Kuarentena 183 (Dili: 176, Munisípiu: 7)
Ho nune’e nia hatutan, parte Ministériu saúde nafatin apelu ba ema hotu atu halo tuir prátika Medidas Preventivas no hametin vijilánsia iha Fronteira ba komunidade ne’ebé iha sintomas hanesan isin manas, me’ar, inus-been favór ba konsulta iha fasilidade saúde ne’ebé besik
Jornalista : Sandi Belo
Asiténsia Editór : Egidio Nono
