Lafaek News—Ministériu Saúde liu husi Komisaun Nasionál Rezista tan kazu Covid-19 Foun hamutuk na’in 14 no na’in lima rekupera no sira ne’ebé baixa hamutuk 38 iha izolamentu Vera Kruz.
“Ohin 11 fevereiru 2021 husi komisaun nasionál rezista tan kazu konfirmadu pozitivu Covid-19 hamutuk na’in 14 kompostu husi feto 8 no mane 6,” Edplika Dermatolojista kordenadora jeral kpmisaun Covid-19, Odete da Silva Viegas, iha konferensia imprensa, palasiu das sinzas Kaikoli, Kinta (11/02/2021).
Koordenadora ne’e hatutan, Husi na’in 14 ne’e sidadaun estranjeiru na’in 2 no seluk Timor-oan hotu inklui mós estudante na’in 7, Entre sira ne’e, ida ne’ebé idade kiikliu mak 20 no idade bootliu mak 54. Sira hotu asimtomátiku ka laiha sintomas.
Nia afirma, husi na’in 12 mai husi Indonézia husi Provínsia ne’ebé lahanesan, iha 20 janeiru 2021, sira tama Timor-Leste liuhusi Pontu Entrada Batu-Gede ho pasajeiru hamutuk na’in 118, Na’in 12 halo konfinamentu obrigatóriu iha ótel hirak ne’ebé governu prepara
Tanba ne’e, Ekipa vijilánsia halo teste swab dala-tolu ba na’in 12 ne’e (21 janeiru, 1 fevereiru, 9 fevereiru). Rezultadu teste hatudu katak pasajeiru hirak ne’e hetan kazu pozetivu Covid-19, entre na’in 14 ne’e iha na’in ida nu’udar médiku ne’ebé durante halo atendimentu iha kuarentena ótel Time Square,” hatete nia
Nia hatutan, Husi 14 ne’e na’in ida tama mai Timór iha 23 janeiru 2021, sidadaun ne’e mai ho Bus (transporte públiku) husi Provínsia Kupang, Indonézia bá Atambua. Iha loron tuirmai (24 janeiru) nia viájen husi Atambua mai Timór liuhusi Pontu Entrada fronteira Batu-Gede. Ekipa liña frente simu no submete ba konfinamentu iha Batu-Gede, Munisípiu Bobonaro,
“Iha 24 janeiru servisu vijilánsia ministériu saúde ba foti amostra swab dahuluk, depois 9 janeiru halo tan teste swab daruak nian no rezultadu pozitivu relata iha 10 fevereiru 2021 Ekipa ambulánsia evakua ona pasiente ne’e mai Izolamentu Vera-Kruz, Dili, totál komunidade ne’ebé hala’o kuarentena iha Batu-Gade hamutuk ema na’in 36 inklui pasiente pozitivu no na’in 35 seluk tama klandestina ka liuhusi dalan illegal.
“Ohin ministériu saúde mós fó sai tan pasiente rekuperadu Covid-19 na’in 5 husi izolamentu Vera Kruz kompostu husi feto 3 no mane 2, husi na’in 5 rekuperadu ne’e na’in 1 mak estranjeiru, sira nia teste ikus iha 8 no 10 fevereiru, husi teste swab rezultadu negative nune’e ohin sira fila on aba idak-idak nia famíli no komunidade,” Odete dehan.
Enkuantu dadus Covid-19, loron 11 fevereiru 2021 Komulativu Teste 19919, komulativu negativu 19717, hein rezultadu 102, komulativu kazu 100, kazu foun +14 rekuperadu 5, komulativu rekuperadu : 62+4 = 66 atuál baixa 38 kuarentena 279 (Dili: 169, munisípiu: 128) auto-kuarentena 118 (Dili: 92, Munisípiu: 26) passa ona loron 14, 29 (Vera-Kruz: 28, RAEOA: 1).
Jornalista : Sandi Belo
Asiténsia Editór : Egidio Nono
