Kazu Covid-19 Aumenta Pozitivu Hamutuk Ema Na’in 29

Lafaek News—Primeiru Ministru, Taur Matan Ruak, informa total kazu covis-19 pozitivu iha ona ema hamutuk na’in 29 iha Timor-Leste.

“ Hanesan ita hotu hatene hahu iha fulan Dezembru kazu Covid-19 sa’e  to’o ohin loron loron hamutuk ema nain 29,” PM TTaur Matan Ruak ba jornalista sira iha palasiu prezidensial Bairru-Pite, kinta (11/2/21).

Primeiru Ministru konsidera kazu  korona ne’e fo risku boot tebes iha asosiasaun liga ho evoluasaun situasaun Covid-19 nian husi nasaun viziñu NTT ne’ebé besik.

“Tanba ida ne’e maka frazilidade ne’e kona-ba ita ita nia paisajen ilegal iha ita nia rai Laran entaun halo ita prekupa los,” Taur informa

Xefe governu ne’e informa, sei estebelese tan sala situasaun iha Oe-kusse, hodi kontrolu iha sentru karantena no fronteira, inklui sala situasaun iha Dili, iha mini-sala de situasaun iha munisipiu rua hanesan Kovalima no Bobonaru.

“Dirijente sira iha sala situasaun Kovalima sei harii tan iha Oe-cusse, Primeiru para reforsa sira nia kontrolu iha sentru karantina no fronteira, segundu avalia ita nia kondisaun infraestrutura ne’ebé iha,” Primeiru Ministru fundamenta.

 

Jornalista   : Sonia de Almeida

Editora       : Nelya Barros

 

More From Author

V-MI Antonio Apresia Servisu Hamutuk Ho IOM

TL Rejista Tan Kazu Covid-19 Foun Na’in 14, Atúal Baixa Sa’e Ba 38

Leave a Reply

Your email address will not be published. Required fields are marked *