Lafaek News–Timor-Leste partisipa iha sorumutu virtual Meza Redonda ho Sekretariadu Ezekutivu Enhanced Integrated Framework (EIF) ho parseria hamutuk paises 54 hodi hadi diskute kona-ba kresimentu dezenvolvimentu sustentavel no redusaun pobreza.
Enhanced Integrated Framework (EIF) nu’udar parseria dezenvolvimentu unika hodi ajuda países menus dezenvolvidu – Least Developed Countries (LDCs) liuhusi apoiu komérsiu nu’udar medidas hodi hasae kresimentu dezenvolvimentu sustentável no mos redusaun ba pobreza nian
parseria hamutuk paises 54, EIF mos hakarak alkansa reputasaun ne’ebé enfrenta hanesan restrisoens komersiais iha países mais pobre sira inklui Timor-Leste.
“Sorumutu virtual meza redonda nu’udar sorumutu rutina ho pais membrus sira seluk hodi rona mos sira nia pontu de vista husi servisu hirak ne’ebé mak halo ona Timor-Leste, kontinua ho ninia prontindaun tomak hakarak nafatin rona rekomendasaun sira ne’e hodi mellora liu servisu hirak ne’e iha futuru” hateten reprezentante Timor Leste ba EIF husi Gabinete Ministru Koordenador Asuntu Ekonómiku, Cesar dias Quintas, husi komunikadu imprensa ne’ebé lafaek news asesu liu Gabinete Protokolu no Relasoen Públika MKAE, kuarta semana ne’e.
Sorumutu virtual meza redonda ne’ebé hala’o iha loron 5 maiu 2021,organiza husi Sekretariadu Ezekutivu EIF nu’udar sorumutu teknika hodi rona kompromisu Governu Timor-Leste nian ne’ebé halo tiha ona liuhusi asina nota entedimentu entre Ministru Koordenador Asuntu Ekonómiku (MKAE), Joaquim Amaral ho reprezentante Enhanced Integrated Framework (EIF), iha loron 18 Marsu 2021, hodi fo apoiu tékniku inklui apoiu orsamentu hamutuk $300.000,- ba periodu tinan rua hahu husi 2021–2022.
Sorumutu virtual Meza Redonda dahuluk ne’e hetan mos partisipasaun husi nasaun besik 35 hodi rona progresu hirak ne’ebé mak alkansa tiha ona husi pais hirak ne’e. Iha biban ne’e, Timor Leste hetan onra no apresiasaun husi Sekretariadu Ezekutivu EIF iha Jenebra, Suíça, kona-ba progresu ne’ebé Timor Leste alkansa iha faze implementasaun projetu EIF iha Timor Leste, maske pais ne’e infrenta hela propagasaun husi surtu corona virus no kalaminidade impaktu husi dezastre naturais ne’ebé akontese iha loron 4 abril 2021.
Husi nota entedimentu ne’ebé asina tiha ona entre Governu Timor Leste no EIF, haklean tebes vontade Timor-Leste konaba projetu EIF ho hanaran “INSTITUTIONAL CAPACITY BUILDING FOR TIMOR-LESTE’S WTO ACCESSION AND TRADE INTEGRATION” . Inklui mos harí “ Timor-Leste Aid for Trade Unit” (TLAfTU) ne’ebé sei foka liu ba iha prosesu adezaun Timor-Leste ba Organizasaun Mundial Komersiu (OMK).
“Projetu EIF sei ajuda tebes Timor-Leste iha area komersiu,liu liu konaba prosesu adezaun Timor-Leste sai paises membru OMK ne’ebé sei akontese iha Dezembru 2021 haktuir husi “ roadmap” ne’ebé fo sai husi Sekretariadu OMK iha Jenebra” katak pontu fokal Timor Leste ba EIF, Cesar Dias Quintas.
Kontribuisaun únika husi servisu IEF nian mak investe iha komérsiu ba dezenvolvimentu nian, enkoraja propriedade país nian, atua nuudar koretór onestu, finansiamentu ho nia eskala, servisu iha ekonomia vulnerável sira no troka koñesimentu ho nia inovasaun.
Remata.
Atu hetan informasaun klean liu, bele kontaktu Cesar Dias Quintas
Koordenador Assesor MCAE Telp : +670 7844 6033 Email : cesardq15@gmail.com, Renato da Costa Gabinete Protokolu no Relasoen Públika MCAE Telp +670 7788 4674
Email; renato.dacosta@gfd.tl
