Vikeke-Lafaek News—La sura ona ukun na’in sira ko’alia kona-ba hadi’a povu nia moris, no la konta ona ukun na’in sira luta hodi hasai povu husi nakukun laran, maibé realidade iha prosesu konstrusaun estadu faktu hatudu problema setór eletrisidade seidauk populasaun remotas.
Situasaun ne’e akontese iha Komunidade suku Uaibobo, Postu administrativu Ossu, Munisípiu Vikeke, moris iha nakukun, laran tanba seida’uk asesu ba eletrisidade Durante okupasaun Indonézia to’o Timor-Leste indepedénsia
Xefe suku Uaibobo, Olarte Melo Cabral hateten, sente triste tebes tanba haree nia komunidade sira durante ne’e moris de’it iha situasaun nakukun, leletrisidade la’ek, no estrada laek husi tempu okupasaun Indonezía to’o ukun an
“Ha’u sente triste tanba liuliu labarik sira atu estuda susar tebes ba estudante sira wainhira estuda iha tempu kalan tanba la iha eletrisidade,”dehan autorieade lokál
Durante komundade Uaibobo infrenta situasaun refere, kuandu tempu kalan sira utiliza de’it solar panel, hodi leno netik oan sira estuda iha tempu kalan, sorte di’ak bailoron loron matan hamanas netik solar panel hodi aguenta halakan netik iha tempu kalan, kuandu tempu udan situasaun sai nakfila hanesan tempu bei-ala sira nian (nakukun)
Autoriedade ne’e hatutan, durante iha nia mandatu hahú iha tinan 2017 mai to’o iha 2020 sai hanesan xefe suku, parte hato’o ona pedidu ba ministériu relevante maibé to’o agora seida’uk hetan ajuda ruma
“Sim ha’u hatama bebeik ona pedidu liuhusi Projeitu Dezenvolvimentu infra-estrutura Minisípiu(PDIM) ba ministériu relevante kona-ba nesesidade povu nian ne’ebe la’o iha suku laran hanesan estrada, eletrisidade, eskola bee moos sanitáriu no irigasaun maibé ate agora la iha resposta ba iha pedidu sira ne’e,”dehna xefe suku Uaibobo ba Jornalista lafaeknews bainhira partisipa atividade sorumutuk ba dame malu kultural foin lalais ne’e iha aldeia Darenau suku Uaibobo, postu ossu, munisípiu Vikeke
Iha situasaun moruk ida-ne’e, komunidade Suku Uaibobo, João Mascarinhas da costa freitas, haktuir, nia sente triste tebes tanba duranste ne’e moris de’it iha nakukun laran, tanba ne’e husu ba parte governu liuliu ministériu relevante, atu tau matan ba asuntu hanesan estrada bee moos no eletrisidade
“Ami nu’udar komunidade sente preoukupa tebes ba estrada ho eletrisidade tanba ami nia oan sira atu estuda de’it mós ahi la iha, ami atu lori ami nia sasan ba faan iha merkadu mós kondisaun estrada ladi’ak maibé buat sira ne’e hotu ami nia sasan atu lori ba fa’an ami tenki tau iha kuda mak lori ba fa’an iha Lay Soru Lay, Kelekai tanba ne’e mak ami hakarak rekomenda ba govenu se bele tau matan netik mai ami liuliu eletrisidade bee moos no estrada” João tenik
Enkuantu iha suku Uaibobo, ne’ebé seidauk asesu ba eletrisidade hamutuk uma kain kompostu husi aldeia hitu, aldeia Mandelo, Nundailo, Samaliurai,Darenau, Bougo,Uainisi,Leosogo,no Uaita’u,
Husi aldeia hirak ne’e komunidade jerál hamutuk rihun ida atus hitu, hitu nulu resin ualu (1778), uma kain hamutuk 406 sira ne’ebé seidauk asesu ba eletrisidade
Jornalista : Abrão da costa s.martins
Asisténsia Editór : Egidio da. C. T. Nono
