LafaekNews–Magnifiko Reitor Universidade Nasionál Timor-Lorosa’e (UNTL), João Soares Martins informa orsamentu 2022 nian sei utiliza hodi halo rekrutamentu dosentes foun ba Universidade Nasionál Timor hamutuk ema 51.
Magnífiko Reitor UNTL, joão soares Martins hatoo asuntu ne’e iha Salaun Politéknika UNTL Hera bainhira partisipa seminariu ho tema “Reflesaun Nasionál ho esperitu rekonsiliasaun konstrui no konsolida Estadu RDTL iha Salaun Politekníka UNTL Hera.
Universidade Nasionál Timor-Lorosa’e (UNTL) halo planu Rekrutamentu ba Dosente sira ho numeru 51 ho orsamentu tinan 2022 nian,aberta ba ema hotu-hotu bele aplika, konserteja ema sira ne’ebé esperensia hanorin mais vantajen ,” hatete Magnifiko Reitor Universidade Nasionál Timor-Lorosa’e(UNTL) João Soares Martins ba jornalista hafoin abertura seminariu iha Salaun Politekníka UNTL Hera kinta 24/02/2022.
Tuir Reitor akresenta, iha da-daun ne’e dosente UNTL na’in atus lima (500) liu, estudante nain 40 mill ne’ebé mak rejistadu, 27 Mil ne’e ativu halo hela estudu, no sei fo sai tan estudante foun nain 4.100
Jornalista : Rita Moniz
Editor : Agapito de Deus
