Lafaek News–Timorese English Club (Tienclub) servisu hamutuk ho GIZ oferese workshop ba Joven na’in 58, durante loron lima no ohin konklui ho fahe sertifikadu.
Juventude na’in 58 Mai hodi universidade ne’ebé diferente mak hanesan, Universidade da Paz, IOB, UNTL, UNDIL inklui Membru Tienclub.
Prezidente Tienclub Marzenio Lopes reafiram sei nafatin servisu hamutuk ho GIZ no parseiru sira seluk Kria plataforma, iha ne’ebé bele kapasita no prepara Nia Maluk joven sira hodi bele kompete iha merkadu traballu.
Autoridade ne’e hatutan, durante treinamentu joven sira antuziasmu hodi aprende tanba materia sira ne’ebé oferese mesak relevante no iha potensia atu muda sira Nia moris.
Planu ba oin Ami sei extende liras ba munisípiu tanba tanba so uniku dalan atu Lori nasaun ne’e ba prosperu ne’e presija Joven hotu Nia partisipasaun,”dehan Marzenio iha serimonia enseramentu, iha salaun STVJ Manleuana, sabadu, (11/12/2021)
Materia hirak ne’ebé uza hodi fasilita mak hanesan, Lideransa organizasaun, Abilidade Lideransa, Lideransa Teoria U, Violensia hasoru feto, sirkulu moris ba partisipasaun Joven, no abilidade ko’alia iha públiku.
Iha sorin seluk, Advizór Juventude ba Mudansa GIZ Luisa Scholz afirma sei nafatin suporta Tienclub hodi organiza programa sira hanesan ne’ebé tanba iha benefisiu boot ba Joven Timoroan sira.
Luisa mós kongratula no apresia grupu joven enerjetiku Tienclub nian ne’ebé ho fuan no espiritu boot realiza aktividade sira ne’e to’o remata ho susesu.
Jeremias Hornai nu’udar partisipante iha workshop ba loron Lima ne’e hatete, liuhosi Workshop ne’e Nia aprende buat barak Kona ba Lideransa ne’ebé muda ona Nia prespetiva oinsa Nia bele sai Lideransa ba Nia an noba Nia maluk Joven sira seluk
Nia agradese ba Tienclub tanba bele oferese ona ba Nia oportunidade briliante sira hanesan ne’e. Sujere atu nafatin kontinua programa sira hanesan ne’e atu joven sira seluk mós bele aprende.
Jornalista : Felisberto Fernandes
Editor : Agapito de Deus
