Lafaek News—Institusaun Falintil-Forsa Defeza Timor-Leste (F-FDTL), lakon tan ninia membru di’ak ida iha loron sabadu (13/11/2021) tuku 11 ho balun iha Ospital Nasional Guido Valadares (HNGV) tanba sofre moras.
Tuir imformasaun ne’ebé lafaek news asesu, Tenente Coronel de Infantaria Domingos da Costa Santos kodiku “DOMIN ” durante ne’e hala’o knaar iha Institusaun Falintil-Forsa Defeza Timor-Leste (F-FDTL) nu’udar mós veteranus ne’ebé uluk luta ba rai ida ne’e.
Duarante ne’e membru F-FDTL ne’e ativu hela servisu iha Quartel General Fatuhada Dili hafoin hetan moras ba baixa iha hospital Nasional Guido Valadares too hakotu ona nia iis.
Entretantu dadaun ne’e Mate isin Domingos iha hela mortuario HNGV Dili.
Jornalista : Orlando Magno
Asisten Editór : Pedro de Almeida
