Lafaek News—Kinta feira, 17/12/2020, operador telekomsel hala’o serimonia fahe prémiu ba manan nain ho Programa Telkomsel Point ba klientes na’in 18 ne’ebé hetan point barak liu husi Sim Card Telkomsel.
Diretór Ezekutivu Telkomsel, Yogi Rizkian Bahar, hateten serimonia entrega prémiu ba manan na’in ne’e kada tinan sempre oferese, no prémiu ne’e oferese ba kliente ne’ebé uza sim card Telkomsel hanesan apresiasaun ida ba kliente ne’ebé uza telkomsel liu husi karrega pulsa barak, telefone, no SMS, tanba kliente hotu-hotu ne’ebé uza sim card Telkomsel enkuantu enxe pulsa, telfone, SMS ninia point sempre tama iha telkomsel.
“Ema ne’ebé uza sim card telkomsel nia point sempre tama mai telkomsel entaun ami kalkula hamutuk hafoin ami kontaktu sira hodi mai dada riva no tuir mai sira mai simu prémiu, neduni laos iha Dili de’it maibé iha Timor laran tomak ne’ebé uza sim card Telkomsel” dehan Yogi Rizkian ba Jornalista iha Timor Plaza andar 2, hafoin partisipa serimonia oferese prémiu ba manan nain Programa Telkomsel Point, Kinta, 17/12/2020.
Diretór ne’e informa, tinan oin telkomsel sei iha planu hodi oferese prémiu programa Telkomsel point kada fulan haat, no prémiu ne’ebé aas liu mak motor.
“Tinan oin ami sei halo planu hodi oferese dala tolu iha tinan ida nia laran, signifika fulan haat dala ida” dehan Nia.
Entretantu hadia ne’ebé ohin oferese mak hanesan motor Vario ba ema nain 1, osan $50 dollar ba ema nain 10, osan $100 ba ema nain 5, telefone Samsung Galaxy A51 ba ema nain 1 no Galaxy 4 ba ema nain 1, ne’e duni totál ba manan nain programa Telkomsel Point tinan 2020 hamutuk ema nain 18.
Jornalista : Juvita dos Santo
Editora : Nelya Barros
