Lafaek News–Operador telekomunikasaun Telkomcel (Telin), iha Timor Leste ofisialmente lansa aplikasaun MYLOJA hodi fasilita lalais klientes sira iha prosesu kompras dijital.
Apoiu inkluzaun finanseiru desperta iha tempu pandemia liu husi adosaun dijital, TELKOMCEL LANSA MARKETPLACE MYLOJA Tinan ida ikus ne’e la’os tinan ida ne’ebe fasil, dezafius barak ne’ebe persija halo ajusta ho buat ne’ebe foun ne’ebe tenki hala’o iha tempo pandemia Covid-19.
Ho signifika pandemia sai impaktu bo’ot ba ekonomia Timor-Leste. La sees husi situasaun hirak ne’e, Negosiu Mikro, Mediu no Ki’ik (UMKM) iha Timor-Leste hasoru dezafius oin-oin atu mantein ka tenki para. Situasaun hirak ne’e hamosu transformasaun digital nebe avansadu lais.
Aselerasaun Dijital ne’e mak sei kontinua hala’o husi Telkomcel hanesan fornesedor telco iha Timor-Leste nebe mak parte husi Telkom Group. Pandemia Covid-19 la sai hanesan dezafiu atu nafatin fo inovasaun no sai nudar King of Digital iha merkadu Timor-Leste. Komesa husi karteira elektronika Tpay to’o plataforma ride-hailing MyTimor ho agora dadaun Telkomcel hamosu tan aplikasaun MyLola.
Marketplace primeiru iha Timor-Leste nebe’e end-to-end hodi bele tuir komunidade nia nesesidade ho UMKM hanesan parseiru. Integrasaun tuir metodo pagamentu digital liu-husi karteira elektornika Tpay no atendementu ekspedisaun MySend hanesan fitur husi plataforma ride hailing MyTimor. Ami nia eperansa liu-husi produtu foun MyLoja, ami sei hatudu potensia-potensia kolaborasaun liu-liu forma programa no inisiativa fo orientasaun ba rekoperasaun ekonomia, desenvolvimentu no fortalecimentu Negosiu Mikro, Mediu no Ki’ik (UMKM) iha municipio Dili, Timor-Leste.
CEO Telkomcel hateten katak, ho tagline Everything You Need, MyLoja fornese kategoria produtu ho varius oin-oin, hahu husi ekipamentu familia, nesesidade fashion, no nesesidade servisu nian. Plataforma marketplace end to end, primeiru mak kolabora ho emprezariu nune’e bele alkansa liu husi 50 vendedor (merchant) nebe maka inklusaun tebes, bele asesu husi varius oin-oin husi fornesedor telekomunikasi nian.
Ami hanesan fornecedor telco ida nebe laos foka liu ba vida negosiante deit maibe nudar fornese konektividade rede internet maibe halo servisu mos liu-husi digital telco nebe maka lao ho ami nia vizaun “King of Digital iha Timor-Leste”. Ami hare katak Timor-Leste hanesan nasaun nebe avansadu ho jerasaun milineal nebe ativu utiliza teknolozia. MyLoja ajuda ita nia Negosiu Mikro, Medium no Ki’ik (UMKM) hodi mantein existi no desenvolve iha era pandemia liu-husi teknolozia digital nomos apoiu nasaun iha inklusaun financial halo prosesu pagamentu liu-husi Tpay.
CEO Telkomcel, Yogi Rizkian Bahar hateten katak, aplikasi ne’e hanesan produto inovasaun obras husi Telkomcel nebe mak prontu ajuda fo apoiu Vida Negosiu Medium no Ki’ik Timor-Leste, liu-liu aselera digitalizasaun UMKM nebe mak hanesan hodi buka moris loron-loron nian. “Telkomcel esperansa katak ho aplikasaun MyLoja nebe existi, integrasaun ho karteira digital Tpay nomos servisu haruka sasan liu-husi aplikasaun MySend tamba fasil ba komunidade sira hodi halo atividade kompras sasan ho siguru no lais.
MySend hanesan dalan ida nebe ajuda ita nia negosiante sira hodi avansa no desenvolve merkadoria iha nasaun. Ikus liu MyLoja sai hanesan responsavel social kompania Telkomcel ba komunidade Timor-Leste liu-liu Negosiu Mikro, Medium no Kiik (UMKM), tamba husi peskija hatudu dadus katak desenvolvimentu negosiu mikro, medium no kiik maka hanesan roda ekonomia komunidade nomos ba rekoperasaun ekonomia nasional.
Corporate Communication Telkomcel Caption 1: Karakteristika MyLoja – Solusaun Kompras Online Lais no Seguru, Caption 2: Karakteristika MyLoja – Kompras sai fasil.
Iha fatin hanesan, Ministru Turizmu Komeríu Industria(MTKI), José Lucas do Carmo, informa, felisita operadór TELKOMCEL, nia historia ne’ebé dahuluk sira halo iha Timor-Leste, hanesan governu mai iha sira-nia sorin atu enkoraja nafatin operadór ne’e rasik.
Ministru nia prezensa iha ne’e, ohin hakarak atu felisita TELCOMCEL, nia historia ne’ebé dahuluk sira halo iha Timor-Leste, hanesan governu mai iha sira-nia sorin atu enkoraja sira, oinsá tau servisu ho governu atu fasilita komunidade iha rai doben Repúblika demokrátika ida ne’e”, dehan Ministru Turizmu Komersíu Industria(MTKI), José Locas do Carmo, iha salaun, Suai Room, Timor Plaza, kuarta-feira, 01/12/2021.
Hodi dehan governu nia papél maka reguladór, fasilitadór, fiskalizadór no halo implementasaun ba programa, nune’e governu tau laran ba nia parseiru sira, fó fiar ba parseiru sira, inkluí husi TELCOMCEL, TIMOR TELECOM iha área sira seluk tan.
Governu sempre disponivel atu fasilita prosesu sira ne’ebé mak atu mellora, konektividade iha komersíu, industria nune’e mós turizmu ninian,” hateten governante.
Nune’e Ministru fó parabens no apresiasaun ba TELCOMCEL, tanba lori aplikasaun MY LOJA ida-ne’e, mai iha Timor-Leste, hodi hamosu aplikasaun ida inovasaun mai komunidade Timorense.
Sei fasilita tebes ita-nia modo nain sira iha rai klaran, ita-nia fatin turismu hothotu, iha perte industria ninian, industria pequena, media, empreza sira, tanba ne’e ohin ita marka inisia foun ida katak, ba oin governu sei hamutuk ho telcomcel, oinsá hanoin atu servisu hamutuk fasilita maluk sira”, esplika MTKI.
Hanesan iha Maubisse no Aileu modo dodok de’it, oinsá governu servisu hamutuk ho maluk produtu kiik empreza sira-nian inovasaun bele kanaliza liuhusi my loja.
Ida ne’e inisiativa ida ne’ebé ba oin ministériu hakarak atu iha diskusaun klean liu, intensivu liu lideransa telcomcel ho nia ekipa tomak, para oinsá ita hamutuk fornese oportunidade ida ne’e ba komunidade timorense ne’ebé presiza tebes liliu setor produtivu hanesan setór produtivu ne’ebé ita-nia agrikultor, peskas, pekuaria, tirismu no industria kiik sira”, tenik MTKI.
Ministru mós husu ba telkomcel atu iha nafatin kooperasaun, komunikasaun ho ministériu turizmu komersiu industria, tanba iha ministériu refere iha diresaun nasional ida haree kona-ba pretesaun konsumidores.
Ita nafatin iha enkuadramentu legal ka kobertura legal di’ak ba aplikasaun ida-ne’e, atu proteje ita-nia kliente sira husu para nafatin iha koordenasaun di’ak entre TELCOMCEL ho ministériu turizmu komersíu industria”, Hakotu Nia.
Jornalista : Egidio Nono
Editor : Agapito de Deus
