Lafaek News--Domingu (10/04/2022), Joven mane ida ho naran, Antonio Gaio Ximenez (Maukora) idade 35, orijen husi postu administrativu Maubara munisípiu Likisá, hela iha aldeia Moris-Foun suku Komoro hakotu is hafoin mout iha tasi area tasi-tolu
Jacinta de Jesus hanesan sasin iha akontesimentu relata kronolojia katak matebian Antonio Gaio Ximenes sa’e motor mio mutin ida ho xapa matrikula 3269 halai para iha tasi ibun no tun husi motor leten haksoit (saltu) dala ida tun ba tasi-laran namlele hela iha tasi-leten la book an, tuir sasin ne’e hanoi matebian mak toba halimar iha tasi-leten, maibé iis lakon ona.
Nia mai para motor iha neba, langsung halai tun ba tasi no saltu dala ida iha ne’eba, pois nia langsung toba, ami hanoin nia atu dada is deit, La Kleur ami ba hare nia, No hau bolu hau nia kolega sira dehan imi mai hare tok maun ne keta nia mate ona karik, maibe sira dehan atu ba hatene ba polisia ne mak sira haruka hau ba bolu polisia, no hau mos ba bolu kedas polisia,” Jacinta Konta ba Lafaek News iha fatin akontesimentu, Domingo 10/04/22
sasin ne’e haktuir tan, matebian mai husi direasaun ne’ebé la hatene, tuir sasin ne’e nia haree de’it matebian ne’e mai para motor iha tasi ibun hodi haksoit kedan tun ba tasi-laran, maibé namlele hela de’it iha tasi-laran, nune’e nia (sasin) bolu kolega sira hodi haree namlele nafatin, hafoin haree tiha sira deside bolu kedan polísia hodi mai evakua sai husi tasi laran.
Tuir observasaun Lafaek News iha terenu nota katak hafoin matebian latan iha tasi-ibun mais ou menus tuku 15:30 Polisia Nasionál Timor-Leste mós to’o kedas fatin akontesementu hodi halo evakuasaun ba mate isin lori kedas ba Mortuariu Hospitál Nasionál Guido Valadares hodi hala’o autopsia.
Jornalista : Chamot Nahak
Editor : Agapito de Deus
