Lafaek News—Governu reuni liu husi Konsellu Ministru kinta (08/04/2021), deside suspende provizoriu serka sanitaria no autoriza hikas transporte públiku hanesan taxi, mikrolete iha sidade Dili bele sirkula ho normal.
Ministru Prezidénsial Konselu Ministru (MPKM), Fidelis Magalhães esplika tuir relatóriu hatudu dezastre naturais ne’ebé mosu iha sábadu fulan Abril foin lalais fo impaktu tebes ba komunidade sira, tan ne’e governu deside suspende serka sanitária iha munisipiu Díli atu komunidade sir abele renormalize sira nia hela fatin.
“Ohin konsellu ministru halo reuniaun hodi deside ba pontus hira mak hanesan tuir mai ida konsellu ministru haree no rona kona-ba impaktu husi inundasaun ne’ebé akontese iha loron 4 fulan abril tinan ne’e ho nune’e konsellu ministru mos supende komposisaun komfinamentu obrigatoriu iha munisipiu Díli to’o governu desides fila fali.”Dehan MPKM Fidelis Magalhães hafoin remata reuniaun KM iha palasiu Governu kinta (08/4/2021).
Governante ne’e esplika ezeptu komfinamentu domisiliáriu (komfinamentu obrigatóriu) iha munisipiu Díli sei permanese, maibe komfunamentu la aplika ona iha munisipiu Díli tanba popuasaun sira hasoru hela inundasaun, sidadaun barak presija muda fatin.
“Sira ne’ebé apoiu, nafatin fo apoiu ho ida ne’e mak atu fali tempu ba sira atu loke fali negósiu iha munisipiu Díli ,hirak ne’ebé faan ropa faan obralan no sasan importante ne’ebé sustenta moris lor-loron bele funsiona fila-fali no transporte públiku sira bele funsiona fila fali hanesan taxi no mikrolete atu fasilita ita hodi bele hadia lalais ita nia moris ita nia uma hela fatin durante periódu ida ne’e,”Fidelis informa.
Aleinde ne’e governu mos la autoriza parte sira hanesan misa, desportu atu labele hala’o sira nia atividade tanba desizaun governu ne’e atu responde de’it ba situasaun atual ne’ebé akontese iha sidade munisípiu Dili.
Maibé, movimentu sidadaun sira atu desloka ba munisípiu sira nafatin la’o tuir hanesan bai-bain trata dokumentus iha sentru integradu jestaun krize (SIJK) no hasai teste swab rezultadu negativu hafoin bele ba munisípiu.
Kontributór : Javelino silva
Editora : Nelya Barros
