Lautém-(Lafaek News)—Aimoruk astrazeneca too ona iha munisípiu Lautém, kinta (08/04/21), iha oras tuku 6 loraik (OTL) no simu direta husi administradór Munisípiu ho komandante PNTL Lautém no Diretur servisu saúde Lautém inklui reprezentante OMS munisípiu Lautém.
Iha okaziaun ne’e Administradór Munisípiu Lautém (AML) Domingos Savio, husu ba populasaun munisípiu Lautém labele rona rumoris no pániku ba informasaun falsu, tanba governu Timor-Leste laiha hanoin atu oho nia povu husu atu ema hotu simu hodi hasae ilmunidae hodi hasoru covid19.
“Fo hatene ba komunidade Lautém tomak labele rona rumoris oin-oin,oras ne’e vasinasaun Astrazeneca mai tiha ona iha Lautém,” katak administradór munisípiu Lautém iha kinta semana ne’e iha munisípiu Lautém.
Tuir planu ema ne’ebé sei simu uluk vasina astrazeneca mak hanesan lideransa másimu iha munisípiu Lautém, ekipa liña frente (frontline), tanba Primeiru Ministru Taur Matan Ruak simu ona vasina astrazeneca e’e.
“Ne’e atu fo uluk maka, lideransa Lautém nian, sira ne’ebé frontline sira, horseik ha’u ona husi nasionál ita nia primeiru Ministru, prezidente Parlamentu Nasionál no membru Governu,” afirma Domingos Savio.
Tuir nia, ba da-daun vasina astrazeneca sei asegura hela iha Lautém hodi hein orientasaun husi servisu saúde Munisípiu oinsá atu halo lansamentu nune’e autoridade no frontline sira simu vasina ne’e.
Sorin seluk ofisiál SAMES nasionál Nelson Gonçalves, haktuir iha munisípiu Lautém Astrazeneca ne’ebé haruka mai iha 74 vial, kada vial sei vasina ba ema nain 10, vial 74 ne’e sei vasina ba ema hamutuk 740, iha munisípiu Lautém, SAMES mós distribui ona zelera atu garante kualidade hodi nune’e bele fo vasinasaun ba komunidade sira iha munisípiu refere.
Jornalista : CE.Lautem
Editora : Neya Barros
