Lautém-(Lafaek news)—Abitantes Lautém-oan ne’ebé iha hela kuarentena lamenta ho fornesimentu hahán ne’ebé governu lokál oferese liu husi restaurante Angel Lospalos laiha kualidade.
Adérito Monteiro nu’udar abitante ida hanesan mós Lautém-oan afirma nia tama kuarentena iha loron 7 foin lalais, dadeer han de’it paun fuan ida ho aqua gelas ida, ho hahán hanesan ne’e nia lamenta no husu atu governu lokál rezolve lalais hahán ne’e, tanba bele kauza fali moras seluk ba sira ne’ebé hela iha kuarentena durante loron 14.
“Matabisu dadeer nian ami simu paun fuan rua be aqua gelas ida ami han ida hanesan ne’e la di’ak, tanba laiha imunidde ba ami nia saúde pelu-menus aumenta ho susuben ou xa ruma ba ami, agora governu sulan ami iha ne’e loron 14, no fó han ami hanesan ne’e ami nia hare la di’ak,” katak Adérito ba lafaek news iha Lospalos foin lalais ne’e.
Realsiona ho ne’e lafaek News konfirma ba dotor Mericio, haktuir Kona-ba menu ba hahán nian iha tarefas ketak husi ekipa taskforce ne’ebé munisípiu ne’e forma ona, nia parte la hatene kona-ba ida ne’e.
Nia dehan tan, totál estudante no sidadaun babain sira nian mak nia rejista hahú husi dia 4-8 iha ona totál sidadaun Lautém oan husi Dili la ho karta hamutuk 94 pesoas mak tama iha kaurentena, iha Lospalos kuaze fatin nakonu hotu ona se karik sidadaun sira kontinua mai sei buka fatin hodi kuarentena.
“Kinta feira ohin swab ne’ebé hasai husi estudante sira ne’e tarsporte ba Dili, tanba tuir agenda ne’ebé nasionál fó mai kada semana mak tarsporte sampel sira ba Dili,” katak pesoal saúde ne’e.
Observasaun lafaek news nota katak iha oras meiudia sidadaun sira ne’ebé kuarentena han de’it superme maran ho manu-tolun sona inklui aqua gelas ida.
Jornalista : CE.Lautem
Editora : Nelya Barros
