Lafaek News—Reitór Universidade da Paz, Adolmado Soares Amaral, afirma governu liu husi Ministériu Solidaridade Sosiál no Inkluzaun atu fó subsídiu ba eis-prizoneiru sira ne’e di’ak, maibé labele bei-beik tanba sei kuda karakter baruk-ten iha ema nia moris.

“Maibé se subsídiu ne’e mak akontese baibeik ka kada fulan fulan sira simu ha’u hanoin sei estraga mentalidade ema nian hanesan ema barak sei hakarak ba prizaun tanba han, hemu gratis no depois sai husi prizaun simu tan subsídiu,” kestiona Reitór Universidade da Paz, Adolmado Soares Amaral, ba lafaek ews iha nia kna’ar fatin, relasiona politika governu lilu husi MJ ho MSSI estabelese ona akordu hodi kona-ba subsidiu ba eis prizoneiru sira iha Timor Leste,  tersa (09/02/2021).

Reitór ne’e subliña, governu presiza define modelu subsídiu ne’e ho klean, se subsídiu ne’e duni akontese dala ida ba eis-prizoneiru ida sinal ne’e di’ak, tanba liu husi ajudu ne’e sira bele organiza an di’ak liután iha komunidade nia le’et no bele aplika konesementu balun ne’ebé sira iha hodi hadi’a sira nia ekonomia.

Nia afirma tan, se ema barak hetan benefisiu bainhira tama prizaun posível númeru krime rai laran sei aumenta tanba da-daun ne’e ema hotu hatene katak, kampu traballu sai polémika bo’ot,  tanne’e lalika fó subsiu maibé fó kapasitasaun no edukasaun di’ak ba sira atu sira bele re-integra ba komunidade ho di’ak.

Tanba ne’e, subsídiu ne’e labele bei-beik, se bei-beik maka sei halo ema baruk no produtividade ba setór produtivu iha rai laran sei laiha, tanba ema hein loos fulan-fulan simu osan $.200.

“Se ida ne’e akontese ema nia mentalidade ba dezenvolimetu rai laran nian laiha ona, aat liután du’ut moris iha sira nia uma oin mós sei la hamós tanba baruk, Se governu halo hanesan ne’e ha’u hanoin sei estraga povu nia mentalidade,” tenik nia

Jornalista      : Felisberto da C Fernandes

Editora           : Nelya Barros