Lafaek News—Prezidente komisaun G Parlamentu Nasionál (PN) trata asuntu, edukasaun António Verdial, husu Ministériu Ensinu Superior Siènsia no Kultura (MESSK), atu trata asuntu edukasaun iha Timor-Leste ho dignidade.
“Hanesan reprezntante povu husu ba Governu liu-liu Ministériu Esinu superior Siènsia no Kultura atu trata asuntu ida-ne’e ho dignidade tomak,”dehan Prezidente Komisaun G PN, Antonio Verdial, ba Jornalista sira iha Salaun Ian Martin hafoin remata Serimonia Tomada de Posse Prezidente INFORDEPE Foun, Tersa, (09/02/2021).
Prezidente komisaun G ne’e lamenta, nu’udar reprezentante povu iha Parlamentu Nasionál atu fó hanoin labele interfere servisu orden ezekutivu nian, tanba ne’e mandatu konstituisionál, maibé governu tenke trata asuntu edukasaun tenke di’ak tanba edukasaun hanesan setór imporante liu iha nasaun ida ne’e.
“Ami Interven ne’e signifika katak, ami halo interferensia ba orgaun soberanu Seluk, husi orden ezekutivu nian, Tanba ne’e mak ha’u atu dehan de’it nu’udar Prezidente Komisaun G PN ba Asuntu ida-ne’e, ita husu ba Governu atu trata asuntu ne’e ho dignidade tomak,” Antonio Verdial sujere.
Iha fatin hanesan Ministru Ensinu Superior Siénsia no Kultura (MESSK), Longuinhos dos Santos, hatan katak atu halo klarifikasaun iha buat rua, ida orgaun ne’ebè diferente hanesan governu depende informasaun ne’ebè mai husi ministru asuntu parlamentar.
“Ami halo ona enkontru trimestrál pergunta balun husi nai deputadu sira, enkamiña mai iha MESSK ne’ebè mak agora públiku kestiona, asesu reingresu nian, entaun pergunta hirak ne’e, atu hatan ba perguntas liu husi MAPKOMS atu bele transforma informasaun ba deputadu sira kestiona ne’e presiza esplikasaun ba prosesu tomak, normalmente ha’u konkorda la dúvida prosesu tomak,” katak Longuinhos hodi hatan ba prezidente komisaun G PN nia preukupasaun ne’e.
Governante ne’e hatutan, bazeia investigasaun tuir dalan informasaun liu husi MAPKOMS, segundu prosesu, ministru hakarak apela iha PN hanesan governu prontu atu halo esplikasaun ba prosesu tomak.
Jornalista : João da Costa Soares
Asiténsia Editór : Egidio Nono
