Lafaek News–Ensinu Sekundariu Tékniku Vokasional Bekora (ETV) komesa fo orientasaun ba Estudante foun durante loron tolu hahú husi kinta too iha loron sábadu semana ne’e.
Tuir vise koordenadór orientasaun, Duarte da Costa, haktuir objetivu husi orientasaun ne’e atu estudante sira hatene kona-ba ambiente eskola nian no atu promove estudante sira nia mentalidade.
Objetivu husi orientasaun Ida nee atu estudante sira hatene kona-ba ambiente eskola nian, no forma estudante atu sira badinas no liu-liu promove sira ninia mentalidade,’’dehan Duarte ba lafaek news iha Bekora foin lalais ne’e.
Estudante sira ne’ebé tuir orientasaun iha tinan ida ne’e hamutuk nain atus neen rua nulu resin lima (625), no iha eskola refere iha departamentu ne’en kompostu husi departamentu mekánika , informátika, elektrónika eletrisidade, konstrusaun sivil no automovel,
Iha Fatin hanesan estudante Merilia de Jesus Soares husi departamentu informátika sente kontente orientasaun ne’ebe orientador sira fo, tanba liu husi orientasaun ne’e bele haklean liután ema ida-idak ninia mentalidade.
Ha’u senti kontenti tebes tuir orientasaun ne’e tanba liu husi orientasaun Ida nee bele haklean liután hau nia mentalidade iha area sekundária ida ne’e no atu sai ema ne’ebé edukativu,’’Nia hakotu
Jornalista: Domingas Viana
Editor : Agapito de Deus
