Lafaek News--Premiadu Nobel da Paz atual kandidtu Prezidente Repúblika períodu 2022-2027, José Ramos Horta informa tempu agora la’os atu kampania, prezidente CNRT orienta kandidatu CNRT nian labele halo uluk espekulasaun polítika iha periodu atual.
José Ramos Horta hatoo asuntu ne’e bainhira partisipa iha inaugurasaun edefisiu sekretariuadu apoiu kandidatura José Ramos Horta munisipiu iha Bidau Mota-Klaran, kinta (03/02/2022), katak agora ne’e CNRT labele halo kampania tenke kuidadu.
Avo Nana dehan labele halo kampania agora, hau haree partidu sira mak Naimori ho tia Berta fulan hirak nia laran tiha ona, hau haree sira lubuk ida iha Obrato ne’eba, bainhira hau fila husi Baukau hau haree kareta lubuk ida ne’e kampania, Avo Nana hatete CNRT labele halo kampania la’i tenke kuidadu,’ dehan kandidatu periodu 2022-2027, José Ramos Horta,
Hodi dehan, agora ne’e so bele ko’alia asuntu seluk, maibé la’os atu halo kampania, tanba nia (JRH) simu orientasaun husi Kay Rala Xanana Gusmao katak CNRT tenke kuidadu labele halo kampania iha tempu agora.
Maske hau haree FRETILIN ne’e, dala ida hau goza doutor Mari Alkatiri iha fulan ida liu ba, bainhira hau ba Same, hau para hela iha kapela-oan ida Besik Aileu hasai foto tanba kabela ne’e bonitu, no hau haree kareta lubuk ida mais sentidu kontrariu, hau nia seguransa dehan ne’e doutor Marí Alkatiri, entaun hau haruka kedan mensajen ba Marí Alkatiri, hei tiu keta halo da-daun ona kampania, depois Mari responde mensajen mai hau nia hatete, hau la halo kampania, hau prepara kongresu FRETILIN, pois hau hatete nune’e ba nia, keta fahe da-daun foos, nia hatete hau la fahe foos, más hau hatene se mak fahe super mie, (ema hotu hamnsa), nia goja Avo Nana,’’ katak José Ramos Horta.
Horta hateten tan, partidu sira inventa buat ida konsolidasaun, tanba konsolidasaun sentidu kampania, sira hotu-hotu halo kampania, FRETILIN halo konsolidasaun tinan ida nia laran ona, más orden mai husi Xanana Gusmao katak labele iha kampania.
Por tantu, ne’e la’os kampania, tanba ita boot sira tuir lei preparasaun pre-kampania, preparasaun formasaun ba fiskais, organza kalendáriu kampania nian, más ita boot sira iha pergunta ruma hau beke responde, tanba iha kalan rua liu ba hau ko’alia iha TVE no iha GMN dala rua ona, iha RTTL mos entrevista dala barak, iha buat ruma hau bele fo resposta, maibé doutor sira hein hela hau iha guido valadares atu ami haree labarik sira ne’ebé moras dengue,’’ katak Horta ba partisipantes sira iha Bidau Mota-Klaran kinta ne’e.
Entretantu, iha okaziaun ne’e, koordenador partidu CNRT postu administrativu Kristu-Rei, munisipiu Dili Germano Santa Brites Dias, husu kandidatu CNRT José Ramos Horta katak ekipa movimentu ruma ne’ebé da-daun fo apoiu hela, husu atu enkamina sira mai iha munisipiu Dili atu nune’e bele hatene baze movimentu sira nian ne’e iha ne’ebé atu duun malu iha futuru.
Pergunta daruak, tanba ami nia sentru votasaun luan tebes, ekipa ida ne’ebé da-daun servisu hela ho Maun JRH atu bele servisu hamutk munisipiu Dili atu evita dez-intendimentu entre ami, bainhira sentru votasaun hirak ne’e ami tenke dezloka ema iha laran,’’ sujesaun husi koordenador partidu CNRT postu administrativu Kristu-rei ne’e.
hatan ba preukupasaun ne’e, kandidatu prezidente repúblika José Ramos Horta resposta dala ida tan katak, nia parte ko’alia ona asuntu ne’e iha semana ida liu ba katak prosesu kampania ne’e koordenasaun husi estruturas CNRT.
Sira mak halo tiha ona reuniaun fahe tarefas, buat hotu tenke liu husi koordenasaun sentral ida liu-liu estrutura nasional CNRT depois estrututra munisipiu CNRT nian, por tantu hau nia apoiantes sira ne’ebé serbi hau kleur ona sira iha instrusaun no orientasaun rigorozu ba ida ne’e, presizamente evita deskordenasaun, loos duni iha Dili tenke koordena ho estrutura munisipiu CNRT iha Dili, ba hau la partisipa iha ajendamentu, hau simu de’it programa hau ba ne’ebe-ne’ebe, se mak hatene ida ne’e maun boot Xanana ho kuadrus sira CNRT, klaru hau nia elementu sira servisu ho hau kleur, más klaru sira koordenasaun sein porsentu ho CNRT, tantu labele iha duplikasaun, por tantu hau konkorda ho ida ne’e,’’ katak JRH.
Jornalista : Azelio da Cruz
Editor : Agapito de Deus
