EKONOMIA · 15 Mar 2021 04:23 ·

Stock Foos Menus Iha Lautem, Kompania Husu PNTL Autoriza Loke Dalan


Stock Foos Menus Iha Lautem, Kompania Husu PNTL Autoriza Loke Dalan Perbesar

Lafaek News—Stock foos ba da-daun menus tebes iha munisípiu Lautém afeta maka’as presu iha merkadu  kilu grama 25 $16, no kilu grama 30, presu $15 sa’e too $ 17,50, too ohin loron governu la preukupa atu intervensaun lalais presu merkadu nasionál.

Diretór komapnia salvsaun, Zekindo João Lay, hateten governu fo sai ona katak implementasaun estadu emerjénsia husu autoridade seguransa atu loke dalan ba negosiante Lautém bele sosa foos iha Dili nune’e povu bele sosa atu ha’an iha situasaun atual.

“Ha’u haree polísia menus informasaun tanba ne’e mak sira sedauk fo lisensa ba ami, foos iha armajen loja nian lable sustenta ona komunidade munisipiu Lautém ba fulan ida tan, foos iha loja agora hela de’it saka  130, ida ne’e bele hotu iha semana ida nia laran, foos hela de’it ona 20 kilo grama no 25 kilo grama, kunadu polísia kontinua la autoriza sira ami foti sasán iha Dili bele fo risku ba komunidade iha Munisípiu Lautem, tanba foos iha Toko 8, loja sira seluk inklui merkadu la sufisiente ona ba komunidade iha Munisípiu lautem,” katak eprezáriu Lautém, Zelindo João Lay Ba Lafaek News, segunda semana ne’e.

Zelindo argumenta katak nia parte halo ona karta pedidu ba PNTL Lautém, bainhira fo ona autorizasaun loron ohin ka aban kamioneta sei tuun DIli hodi sosa foos lori ba Lautém atu fornese nafain ba populasaun sira bele sosa hho presu normal.

“Ohin loron ha’u halo ona karta ida husu pedidu ba PNTL  sira bele pasa karta lisensa ida ba ha’u atu nune’e ami nia baskolamte tun ba Dili hodi sosa fali foos lori mai Lautem, kada semana bainhira loron ami hatama foos mai iha munisípiu tonelada 300, maibé agora labele ona tanba lockdown iha Dili implika ona ami lable hatama foos no nesesidade seluk mai,” katak emprezariu ne’e.

Iha fatin hanesan, komunidade suku Baduro, munisipiu Lautem , João da Costa afirma, governu labele sakrifika demais povu iha situasaun polítika no situasaun korona, laiha liberdade ba povu atu buka moris, tanba dalan hotu taka, governu finze la haree presu merkadu sae maka’as.

“Ami sei mate hamlaha bainhira governu la toma atensaun ba sira ne’ebe faan foos tamba batar sira ne’ebe ami kuda mos la isin tamba ular han hotu agora folin foos mos komesa sae, ami atu foti osan husi ne’ebe mak atu sosa foos tan ne’e hau husu parte governu liu-liu AIFAESA atu hare’e problema ida ne’e ho seriu,” tenik nia.

Entretantu notisia ne’e hatun jornalista korrespondénsia munisípiu Lautém seidauk konfirma parte autoridade seguransa munisípiu Lautém kona-ba karta pedidu ne’ebé hatoo husi emprezáriu sira atu husu autorizasaun atu sosa foos iha Dili ba Lautém.

 

Jornalista   : CE. Lautem

Editora       : Nelya Barros

 

1,942 Views
Artikel ini telah dibaca 86 kali

badge-check

Editor

Baca Lainnya

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

Grupu Konservasaun Batar Lore 1 Halerik Ho Atake Peste Lakataro  

13 June 2024 - 17:22

Matan Halo Ha’u Lakon Esperansa ba Oan Sira nia Futuru

10 June 2024 - 21:32

Grupu Konservasaun Lenuk Bandu Komunidade Oho Animal Tasi

9 June 2024 - 23:36

Fenómena Udan Monu ho Kór Metan iha Tutuala

9 June 2024 - 16:08

Trending di LAUTÉM