Lafaek News—Diretór Star king group, Lay Siu Himg, hatete, relasiona ho programa sesta bázika kompañia Star King nu’udar fornesedór ba sasan importasaun hanesan mina, masin, masmidar kafe, susuben, sabaun pastadente ba munisípiu Bobonaru atinje ona porsentu 90.
“Hela de’it postu administrativu Lolotoe seida’uk halo distribuisaun ba sasan sesta bázika no karik kompleta ida ne’e maka sei termina ona destribuisaun refere no ha’u fiar katak iha fulan ida ne’e bele kompleta ona,” dehan Diretór star king group, Lay Siu Him nia nia kna’ar fatin Audian kinta (04/03/2021)
Diretór ne’e hatutan, difikuladade ne’ebé sira enfenta iha terenu afeta atraza iha distribuisaun mak autoridade lokál sira liuliu xefe suku sira ladun kolabora di’ak ho kompañia sira, dalaruma sira argumetu dehan fatin ba sira atu tau sasan mak seida’uk iha no dala ruma sasan to’o ba iha fatin ema seida’uk disponivél hodi simu.
Difikuldade seluk maka dadaun ne’e tempu udan entaun difikulta mós movimentasaun transporte hanesan iha munisípiu Bobonaro iha parte Lolotoe no Atabae dalan aat kada vez halo transporte lori semana ida mak foin bele to’o ba iha suku laran no bainhira sasan sesta bázika ne’e to’o ba iha suku laran dalaruma autoridade lokál sira lakohi simu fali, ida ne’e mak problema.
Bainhira mosu situasaun dezentendimentu sira ne’e akontese maka foin kompañia kordena fali ho ministeriu relevante no depois ekipa miniteriu tun ba halo mediasaun maka komunidade sira foin bele simu fali, tanba ne’e to’o agora prosesu fahe sasan seida’uk remata.
Nia salineta dadun ne’e estende tan estadu amerjensia ne’ebé define halo lockdown ba iha munisípiu Bobonaro entaun foin dadaun karta tula sasan ba loes seguransa sira haruka fila no hein tan semana rua hotu tiha mak foin bele lori sasan tama tanba ne’e ba iha dia 13 foin lalais mak foin transporta fali sasan ba.
Relasiona ho pagamentu husi ministeriu relevante dadaun ne’e emprezariu sira submete ona dadus ka Dokumentu pagamentu nian ba miniteriu finansa maibé hein to’o agora seida’uk hetan rezultadu pozitivu maibé sira nafatin kolabora ho governu hodi hein to’o governu bele selu fali sira.
“Tuir kontratu ne’ebé ami halo ho governu ne’e katak depois ami distribui sasan, rekolla mós dadus benefisiarius nune’e submete ba iha governu hafoin governu halo pagamentu,” hakotu nia
Jornalista : Felisberto da Costa Fernandes
Editora : Nelya Barros
