Lafaek News–(Dili, 14 Jullu 2022) Mary Mackillop Today (MMT) sei hala’o sorumutuk konsultasaun ho stakeholders sira iha Hotel Vila Verde. Atu hetan rezultadu ne’ebé ho kualidade di’ak husi implementasaun Programa Edukasaun Projetu haat (4) MMT nian hanesan; (Formasaun Literasi Tetun ba manorin sira, Sentru Aprendijajem Movel, Literasia Saúde, Programa ba Parente) ne’ebé durante ne’e kria ona relasaun di’ak ho Ministeriu Saúde (MS) no Ministeriu Edukasaun, Juventude no Desposrtu (MEJD) liuhusi nota Entendimentu (NE) bilateral no trilateral.
Programa sira ne’e implementa iha Minisípiu Dili, Liquiç,a Ermera, Manufahi, no Viqueque inklui mós programa subsistensia ne’ebé implementa iha Postu Administrativu Railaco,Munisípiu Ermera. Implementasaun programa sira ne’e maka atu muda no lori mudansa pozitivu ba seitor edukasaun liuliu ba labarik sira–nia futuru edukasaun ne’ebé di’ak liu.
Maka ohin MMT halao nia sorumutuk konsultasaun ne’e ho nia “Objetivu atu buka hatene dezafius,susesu no oportunidade sira durante implemntasaun projetu haat ne’e atu nune’e stakeholders sira bele fornese rekomendasaun,ideias hamutuk atu bele prepara di’ak liu tan iha futuru ba planu projetu multi-Anu 2022–2025”, Hatete Country Director MMT iha Timor–Leste Sr. Alipio Baltazar
Atu dezeña MMT nia nia projetu multi-anu ho efetividade no relevante liu, ne’ebé mak reflete duni ba situasaun real iha rai laran agora dadaun nian maka MMT involve mós parte interesada sira (stakeholders) MMT nian hanesan; MS nivel nasionál no nivel Minisípiu Ermera, MEJD nivel nasionál no nivel Minisípiu Ermera no Liquiça, INFORDEPE nasionál, Autoriedade Lokál,Inan-aman sira nune’e mós ajensia Nasionál no Internasional.
“Ho konsultasaun ne’e fiar katak MMT sei trasa planu stratejia dezenvolvimentu ida ne’ebé di’ak liu iha area refere no alinha mós tuir plano stratejia MS no MEJD”,hatutan Country Director MMT Workshop ne’e responsabilija husi ekipa konsultan husi Ethos of Engagement Consulting (EOE) no suporta husi ekipa MMT iha Timor-Leste.
Ba Informasaun klaru kontaktu: Mary Mackillop Today, Avenida de Becora,Dili Timor–Leste
Telemovel: +670 3317422, Email: Timorleste@marymackilloptoday.org.au
