Lafaek News–Tenente Jenerál (reformadu) Lere Anan Timur, deklara nu’udar militante partidu Frente Revolusionario Timor-Leste Independente (FRETILIN) hakarak hadia partidu haforsa partidu FRETILIN manan iha eleisaun 2023.
Lere Anan Timur deklara asuntu ne’e hafoin hala’o enkontru ho Prezidente Repúblika José Ramos Horta iha Palásiu Prezidensiál Bairo-Pite hodi ko’alia kona-ba situasaun polítika rai laran, katak kongresu FRETILIN mos besik ona iha loron 8 fulan Setembru, seida’uk deside atu forma pakote ka lae, Lere seida’uk deside maibé, ambisaun, interese hakarak servi partidu FRETILIN, FRETILIN laos kualkér partidu, Marí Alkatiri iha ka laiha mos FRETILIN iha nafatin, Lere iha ka laiha mos FRETILIN iha nafatin, tanba FRETILIN ne’e lulik.
Ha’u kuandu reativa fali nu’udar militante FRETILIN, nu’udar membru Komite sentral segundu jerasun ha’u hakarak hadia partidu se buat ruma naksalak, haforsa partidu para manan iha eleisaun 2023, harii partidu atu ukun laos harii partidu por partidu, ita mak tenki serví partidu laos partidu mak servi fali ita’, dehan Lere Anan Timur ba jornalista sira iha Palásiu Prezidensiál bairo-pite kinta (14/07/2022).
Nia mos afirma ba PR Horta, Ohin loron interese ema ida-idak ninia as liu fali interese estadu no nasaun nian, ema agora buka halo oinsa para nia moris, halo oinsa para nia di’ak, la interese povu oinsa bele moris ho dignidade, funu ko’alia dehan liberta ona Pátria, liberta ona povu ema hotu-hotu ko’alia, maibé baruk ona tanba prátika la han malu Konseitu ne’e mak ema loron-loron ko’alia liberta ona Pátria liberta povu husi mukit no ki’ak.
So Fretilin mak iha responsabilidade moral, responsabilidade polítika hamutuk ho lider resistensia sira hotu lori nasaun ne’e ba naroman no moris di’ak”.
Lere dehan, Ema labele aproveita ou lori FRETILIN serví ninia interese ne’e lulik, se Klamar espíritu matebian sira iha, ohin la husu maibé aban bainrua sei husi ba oan sira, tanba saida mak mate ran fakar ba FRETILIN, tanba saida mak ohin loron sai hanesan ne’e.
Ne’e mak ha’u dehan FRETILIN tenki manan iha 2023, ha’u tenki okupa fatin ruma iha FRETILIN atu lori FRETILIN ba oin, nune’e bele hakuak lider sira hotu-hotu, liuliu FRETILIN tenki hakuak mos partidu CNRT tanba Xanana iha ne’eba tenki ukun, partidu boot labele depende ba partidu ki’ik, ki’ik mak tenki depende boot, se boot mak depende fali ki’ik hanoin katak ita luta ba ita idak-idak nia kadeira, luta ba ita idak-idak nian moris, maibé ita la luta ba moris di’ak povu ninia, ida ne’e mak ha’u nia esforsu”.
Tuir Lere Kongresu FRETILIN mos besik ona iha loron 8 fulan Setembru, Lere Anan seida’uk desidi atu forma pakote ka lae, Lere seida’uk deside maibé ambisaun, interese hakarak servi partidu FRETILIN, FRETILIN laos kualkér partidu, Marí Alkatiri iha ka laiha mos FRETILIN iha nafatin, Lere iha ka laiha mos FRETILIN iha nafatin, tanba FRETILIN ne’e lulik.
FRETILIN 2023 teki manan,laos maiória absoluta, ha’u hatete klaru iha públiku manan tenki servisu hamutuk ho maun Xanana nune’e hadia nasaun, maibé tabel fali iha partidu ki’ik ne’e adeus, Timor oan sira sei nadodon ba iha rai liur”,.
Jornalista : Rita Moniz
Editór : Agapito de Deus
