Lafaek News—Sidadaun Timor Leste hotu ne’ebé lori pasaporte Timor atu viajen estranjeiru tenke foti formuláriu Servisu Estranjeiru Fronteira (SEF) iha Migrasaun Aeroportu Internasionál Nicolau Lobato Dili.
Asuntu ne’e hato’o husi Xefe Kaza Militar Interinu Prezidénsia Repúblika Maior Francisco da Silva hafoin halo konférensia imprensa iha Palásiu Prezidensiál Bairo-pite segunda (24/10/2022).
“Ohin ita nia Diretóra ou Adjunta iha parte Migrasaun Timor-leste nian lori ona deklarasaun ne’ebé mak ami hotu haree no deklarasaun ne’e bale ba sidadaun Timorense sira ne’ebé mak pasaporte Timor ne’ebé mak sai viajen ba Rai Li’ur la’ós ba sira ne’e atu bá buka servisu de’it maibé kulaker sidadaun ne’ebé mak atu ba vizita família ou atu ba turista ninian ka hotu-hotu tenke ba foti formuláriu iha ita nia Migrasaun Aeroportu Internasionál Nicolau Lobato”, esplika Xefe kaza Militar Interinu Prezidénsia Repúblika Majór Francisco Silva.
Nia informa, sidadaun sira ne’ebé atu ba iha Portugál, tenke hetan Imigrasaun nia dokumentus Imigrasaun Portugues ne’ebé mak hakerek dehan, Serbisu Estrajeiru Fronteira (SEF) mai husi esponsor ka Família ne’ebé hela iha Portugál, husu para Família sira ba foti ida ne’e iha Migrasaun Aeroportu Portugál nian, atu nune’e priense depois manda mai iha Familia iha Timor-Leste, hodi nune’e bainhira to’o Portugál tenke entrega dokumentu ne’e ba iha serbisu Migrasaun Portugues nian.
“Iha Timor hahú aban loron 25 bele hakat ba Aeroportu Internasionál Nicolau Lobato bele foti ita nia deklarasaun, rekejitu barak iha laran, hodi esplika di’ak liu tan, bainhira foti dokumentu ne’e iha Imigrasaun para pesoál sira iha ne’ebá mak bele esplika mais detalladu ba iha sidadaun ida ne’ebé mak ba foti formuláriu ne’e”.
Xefe kaza Militar Interinu Prezidénsia Repúblika ne’e subliña, Bainhira atu ba foti dokumentu Imigrasaun nia iha Aeroportu tenke lori dokumentus hanesan foto kopi Pasaporte viajen, kartaun Identidade ka BI, husi ema ne’ebé sai hanesan esponsor ka Família ne’ebé mak hodi apóiu sira durante estadia iha estranjeiru, tantu iha Indonézia, Malasya, Singapura, Portugál, Reinu Unidu ou iha ne’ebé de’it mak sidadaun atu hela ba ne’e tenke iha dokumentu ne’ebé mak sai husi Migrasaun Timor Leste.
“Dokumentu ne’e, la selu foti de’it, ida ne’e sei la gasta osan, tanba serbisu Imigrasaun prepara tiha ona, tanba ita hatene atu ba rai li’ur ne’e ita ba ho osan, ne’ebé prepara de’it”.
Jornalista : Rita Moniz
Editór : Agapito de Deus
