LafaekNews-Negosiante merkadu Taibesi,Tereza Pereira, sente triste tanba durante situasaun pandemia Covid-19 no Serka Sanitária (SS) rendimentu ba produtu folin tun tebes, no susar atu sustenta familia uma laran no oan sira nia eskola.
Tereza Pereira, haktuir modo ne’ebé fan iha merkadu ne’e sosa tutan husi munisípiu sira maibé fan fali ladun folin entaun lori la’o fan haleu iha merkadu laran mós ema la sosa.
“Agora da-daun tempu Covid-19 ne’e ami nia sasan ladun folin tánba ami hola tutan ho folin $7.00 no fa’an fali ami fa’an fali ho $10 dolar, entaun kuandu ami nia sasan ema la sosa ami nia osan hun mós bele hotu kedas,”dehan negosianteTereza Pereira, iha merkadu Taibesi, tersa-feira, ba ekipa 10/08/2021.
Negosiante ne’e informa, agora da-daun situasaun Covid-19 no serka sanitária ne’e halo negosiante sira susar tebes atu halo movimentu hodi buka sira nia moris, tanba balun enkuantu sasan sira ne’ebé durante ne’e sira sosa tutan husi munisípiu hodi fa’an iha iha merkadu Taibesi mak hanesan, tomate, derok, ai-manas, modo mutin no produtu lokál sira seluk.
Negosiante Tereza husu governu atu estabiliza mekanizmu ne’ebé di’ak oinsá bele fasilita produtu lokal sira mai husi munisípiu sira hanesan Ainaru, Bobonaru no Aileu inklui ho Baukau hodi hamoris sira nia ekonomia bázika uma laran.
”Eka sira ne’ebé servisu ne’e di’ak, más ami ne’e depende de’it ba produtu ne’ebé ami sosa tutan, ema la sosa ami lakon osan, husu governu atu kria polítika ruma di’ak iha serka sanitaria ne’e atu labele fo impaktu mai ami negosiu kiik,” katak Tereza ho triste.
Estajiadu :Julio Beno/Francisco Andrade
Editór : Agapito de Deus
