Lafaek-News–Veteranu Nagafunu ho Lawai, husu Prezidente Repúblika Francisco Guterres Lú Olo atu hatun despaixu dokumentu legal kona-ba sevisu iha ne’ebé durante okupasaun illegal halo iha salau Soibada munisípiu Manatutu.
“Ami ohin hasoru malu ho Prezidente Repúblika Francisco Guterres Lú Olo atu ko’alia buat ne’ebé uluk iha tempu ne’eba ami ho Xefe Estadu halo servisu durante okupasaun Indonézia, tanba ami ho idade ne’ebé sei ki’ik, entaun ami mai fó hanoin fila fali,” Deklara Mateus de Oliveira ‘ Nagafunu ba Jornalista iha palasio presidensial Nikolau Lobato tersa 10/08/2021.
Tanba iha tempu ida agora mós Salau verifikasaun dadus nian mai hatoo fila-fali ba Xefe Estadu atu hanoin hikas uluk, tanba ho idade ki’ik loos.
“tempu neeba ami idade husi 13 tun mai too idade 8 no balun neebé kiik oan. ” Nagafunu deklara.
Iha fatin hanesan Gil Sarmento da Costa ‘Lawai’ husi Salau, Suku Manlala, Aldeia Daulorok reforsa Nagafunu ne’e Xefe Estadu rasik fó hanaran ba nia, tanba ida ne’e mak marka audénsia no ohin Xefe estadu konvida duni hodi hasoru duni.
“Ami nain rua hasoru PR tanba ami ho idade kiik oan, dala ruma ba verifika ami nia dadus agora iha Salaun loron Segunda (15/08) agora, dala ruma idade kiik entaun ema la fiar, tanba ida ne’e mak ami nain rua tur hamutuk hanoin oinsá ita marka too audénsia ida ho PR atu fó netik despaxu ruma, dokumentu atu kaer hanesan referénsia ka dokumentu legal ida atu ami aprezenta iha loron Segunda (15/08) ba Komisaun Verifikasaun iha Soibada,” dehan nia.
Jornalista : Rita Moniz
Editor : Agapito de Deus
