Lafaek News—Sekretariu Estadu Protesaun Sivil (SEPS), Joaquim José dos Reis Martins informa, iha nia parte sente seguru liu bainhira to’o loron Sesta feira uza motorizada ba hala’o nia kna’ar iha ninia edifisiu.
SEPS Joaquim esplika, normalmente loron bai-bain nia uza de’it kareta, maibe to’o loron sesta nia sente kalma liu iha fim de semana, tanba ne’e sempre uza motor iha loron sesta ba servisu fatin.
“Ha’u gosta sa’e motor tanba ho motorizada ne’e ita bele lais liu too fatin ne’ebe ita termina no mós Bainhira ita ba servisu uza motorizada ne’e, bele lori ita ba besik liu komunidade sira, tanba ita bele hase malu ho sese deit,”dehan SESP ba lafaek news iha Ministeriu Interior Vila-Verde Dili, Sesta 05/03/2021.
Meius ida transporte lais liu no sedu liu atu to’o servisu fatin ne’e uza motorizada, hanesan mós uluk membru parlamentu Fidelis ho Diometrio sira na’in rua mós uluk uza motorizada mak ba hala’o sira nia servisu.
“Agora ne’e ita komprende malu no ita mak hatene sa’e motor, se ita boot sira sae motor sente seguru entaun ha’u mós sente seguru hanesan ita boot sira sente,” nia hakotu.
Jornalista : Orlando Magno
Editora : Nelya Barros
