Lafaek News—Primeiro Ministru (PM) Tauk Matan Ruak, sente orgullu ho produtu Timor rock hatudu realidade kualidade as, bainhira teste material ba estrada balide eskola 4 de Setembru nia oin.
“Ohin ha’u mai iha ne’e akonpaña halo teste produtu Timor Rock nian ho ita nia konvensionál, ha’u hare’e kualidade iha, klaru halo resultadu teste ba iha laboratoriu mak sei determina mais forma ha’u hare’e orgullu tebes,” dehan PM, Taur Matan Ruak, ba jornalista sira iha Balide hafoin akompañia atividade teste estrada, sesta, (5/02/2021).
PM dehan, hanoin lo’os obra públikas nia ekipamentus teste, ha’u imajina se estrada pedasuk 100 metros mak sira halo oras rua la hotu signifika nia halo iha Dili ba to’o Baukau lori tempu naruk, nune’e promete ba MOP katak tenke halo investmentu atu halo servisu ne’e kaman liu tan empresta servisu kualidade ba empresariu sira.
“Estrada ne’e iha governu anterior halo espeiensia ne’e nia sentifikasaun ne’e oinsa, atu labele husik governu anterior nian, ita haluha tiha atu la’o keta-ketak kuandu ita la rekonese katak buat ne’ebé sira halo ne’e di’ak no razaun di’ak,” tenik PM.
Eis Prezidente Repúblika ne’e husu emprezária sira hotu ba oin la’os halo krítika de’it, maibé tenke sakrifísiu no fó kontribuisaun ho hanoin ida kualidade, tanba importante tebes no di’ak ba nasaun .
Iha sorin seluk Ministru Obras públikas (MOP), Salvador Pires, hateten, mai halo avalisaun atu garante kualidade investimentu ita mós tenke iha aparellu iha servisu laboratoriu nian.
“Sufisiente atu asegura ita nia inspensaun ba kualidade investimetu ne’ebé mak ita halo, hanesan iha tinan kotuk ita mós konsege halo ona akuiziasaun ekipamentus teste digital nain ba kamada estrada nian ne’ebé mak hatama husi indonesia mai,” tuir nia.
MOP deklara, operasaun hetan kapasitasaun husi fornesedor rasik maibé ho Covid-19, ohin konsege ko’alia ho PM no diretór laboratoriu atu halo fali aranjamentu ida atu bele fó lisensa ba sira atu tama mai iha pontu entrada komesa halo ona kapasitaaun ba ita nian tekniku laboratoriu atu bele kopera makina ne’e hodi bele fó kualidade servisu liliu ba iha investimentu bo’ot sira.
“Ohin ita iha ekipa rua husi laboratoriu nasionál obras públikas no ADN nia servisu hamutuk hodi halo teste ne’e, maibé resultadu teste laboratoriu ne’e sei fó sai iha semana ida ou rua nia laran,” hatete Nia.
Alende ne’e mós Kompaña Monte Veado, Oscar Lima, ne’ebé mak kaer estrada ne’e dehan iha tinan 2014 ba kotuk, no ohin partisipa PM nian orgullu tebes.
“PM maka mai partisipa hodi hare’e direitamente ita hein de’it teste laboratoriu, estrada refere diresaun balide to’o katedral,” hateten Oscar Lima.
Atividade ne’e partisipa husi Primeiru Ministru (PM), Ministos Obras Públikas (MOP), estuadante tekníku, universitaria sira hanesan Dit, Untl, Unital no gabinete primeiru ministru, nain ba kompañia Monte-Veado, Oscar Lima no enjinária sira husi konpaña ne’e rasik.
Jornalista : Rita Moniz
Asisten Editór : Pedro de Almeida
