Lafaek News—Demonstrasaun ne’ebé Aliansa Maubere Nasional (AMN), lansa kontra desizaun Parlamentu Nasional sosa kareta (pajero sport) ho laptop ba deputadu, nu’udar senáriu ida edukasaun povu Timor Leste julga lider Partidu Polítikus sira iha Eleisaun Parlamentár
Portavoz AMN, Leonijio Marez katak AMN nia haree parlamentu Nasional la konkorda AMN nia existensia, tanba sira nafatin hakuak lei pensaun vitalisia iha parlamentu nasional, tan ne’e, husu povu atu matan moris neon nain iha eleisaun parlamentar 2023.
AMN la aseita ba dezisaun parlamentu nasional nian bainhira iha tempu kampana tanba besik ona eleisaun parlamentu, ohin, loron-ikus hosi semana da-4 ba asaun pasífika no edukativa ne’ebé lidera hosi Aliansa Maubere Nasiona, hanesan puibliku hatene, asaun ida-ne’e moris ho objetivu rua, kontra direta Parlamentu Nasional, iha ne’ebé durante semana tolu konsege fokit sai karater kantén ne’ebé nakonu ho interese privadu hosi makaer-ukun sira, signifika nein Partidu Polítiku ne’ebe eziste durante tinan 20 maka afavor ba interese povu, ida-ne’e públiku bele nota liu-husi entrevista rezultadu diálogu entre deputadu sira ho AMN.
Asaun pasifika ne’e mos nu’udar meiu hodi fo edukasaun polítiku ba povu, ne’ebé konsege kria kondisaun atu povu hahu kestiona partidu sira, hahi kestiona elite-polítiku sira, nomos kestiona produtu polítiku no lei sira mak daudaun ne’e kesi-metin hela ita-nia sosiedade, AMN husu Presidente Repúblika Timor-Leste análiza OJE 2023 tanba alokasaun osan la sériu.
AMN analiza katak dinámika no dezenvolvimentu asaun durante semana tolu ne’e nato’on ona atu AMN muda forma protestu iha Parlamentu Nasional nia oin ba kampania iha publiku nia leet, liuhusi media sosial; hosi video, hakerek no husi diskusaun iha fatin hotu-hotu, AMN hakarak deklara ba públiku katak, AMN sei nafatin eziste hodi halo kampania iha kualkér plataforma media.
“Ami husu ba Prezidente Republika Dr. José Ramos Horta atu uza nia kompeténsia konstitusional hodi veta OJE, kuandu alokasaun la ba iha setor estratéjiku sira no kuandu PN nafatin integra osan ba sosa karreta-foun,”katak portavoz AMN ne’e,
Nia dehan, kada membru AMN sei aproveita férias nasional hodi kampana programa luta ba inan-aman, joven, no maluk sira seluk iha ida-idak nia knua,iha tenipu hanesan konvida mos inan-aman no joven sira atu asina petisaun ne’ebé AMN sei prepara.
AMIN sei distribui ka fahe matéria kampana iha forma surat-tahan ka panfletu iha dalan-ninin,iha fatin rame no enjeral iha fatin hotu, ikus liu, AMN konvida povu tomak atu uza ida-idak nia poder polítiku hodi halo julgamentu popular ba elite sira iha Timor-Leste”apresenta leitores Fransisca.
Portavoz AMN argumenta katak ezisténisia programa iha parlamentu Nasional la fo benefisio ba povu, iha rekursu lubuk ida ne’ebé AMN halo atu bele altera ka halakon, exisensia haat ne’ebé nu’udar programa luta AMN nian, liu-liu tradisaun sosa kareta lelaun iha lejislatura oin loron no ba oin AMN nia haree katak parlamentu nasional a konkorda, deputadu sira nafatin hakuak metin lei pensaun vitalisia ne’ebé hakiak injustisa boot iha povu nia terus leten, terseiru ita haree orsamentu estadu ne’e mak públiku nian durante ne’e ita haree aloka ba setor estratéjiku kiik teb-tebes.
“Ikus liu ita haree katak lei no 1/2006 nu’udar tendénsia ba fazismu no kolonializmu iha Timor nafatin ejiste ho nune’e mak AMN hamriik durante prossesu ne’ebé ami aprezenta nuudar injustisa boot iha rai ida ne’e, parlamentu nasional la konkorda no laiha solusaun, AMN uza diálogu halo buat hirak hotu la iha solusaun, AMN nafatin ho nia possisaun fo hatene ba publiko katak tempu besik ona komesa hakbesik ona ba povu, ho nune’e mak AMN afirma foun pausa iha demonstrasaun direta sei uza espasu hotu-hotu eduka públiku atu povu komprende la kleur tan sira ne’ebé ita fo fiar sei ba tan ita iha 2023 ita tenke kestiona sira atu ita bele salva ita nia osan salva estadu no salva prinsipio sira ne’ebé ema hotu sakrifika aan ba,” portavoz AMN ne’e hakotu.
Jornalista : Arnaldo Nunes
Editor : Agapito de Deus
