Lafaek News—Joven kreatór youtuber hamutuk nain 12 manan prémiu husi kompetisaun Content Creator Youtuber Timor Leste iha tinan 2022.
Kompetisaun Content Creator Youtuber (CCY) ne’e realiza husi Sekretáriu Estadu Komunikasaun Sosial (SEKOM), objetivu hafanu jovens kreativu no utiliza media sosial iha Timor Leste hodi nafatin sai inspiradór ba maluk joven sira hotu ne’ebé iha komitmentu hodi halo video ba youtuber Timor Leste.
SEKOMS, Mericio juvinal dos Reis “Akara” afirma, nia parte sente kontenti ba manan nain sira ne’ebé hetan apresiasaun husi SEKOMS, tanba ita bot sira mak sai sentru ba eventu ohin atu hatene joven nia kreatividade, utuliza media sosial hodi sai transfarénsia ba ita hodi halo buat ruma iha channel Tv, YouTuber, ne’ebé relevante hodi públika iha MedSos.
“Ha’u kontenti ba ita bot sira no ita bot sira mak sai sentru ba eventu ohin, ami sira atu hare partisipa atu hatene ita bot sira nia kreatividade,”Mericio Juvinal dos Reis “Akara” relata ba jornalista iha Pusat Budaya Indonesia mascarinas, (Kuarta, 30/11/2022)
Governante ne’e argumenta, Timor Leste sai ona era dijitál no tradisaun foun ne’ebé uluk oferese, no Timor Leste nasaun ida ne’ebé ki’ik, maibé la ses husi mota boot, no opsaun ne’ebé limitadu sura ona, banati tuir hodi hala’o, ho nune’e governu hodi toma konta ba plataforma hirak ne’e hodi sidadaun utiliza plataforma.
“Primeiru era dijitál agora tradisaun foun kultura foun ne’ebé uluk oferese mai ita, ita nasaun ki’ik ita sei la ses husi mota bot ida ne’e, ita nia opsaun limitadu ita sura ona no ita hala’o ita banati tuir ho governu nia pozisaun maka ita sei halo plataforma sira ne’e ita prepara ita nia sidadaun atu utiliza plataforma sira ne’e rai ne’ebé diak, hanoin ne’ebé diak no komunidade ne’ebé diak, nasaun ne’e nian.
Iha serimonia ne’e mos ba partisipante sira husi Embaixador Indonesia, representante Embaixador Australia, representane Embaixador Nova Zelandia Sekretariu Estadu igualidade inkluzaun, Sekretariu Estadu Arte no kultura no conselhu de Imprensa CI.
Jornalista : Aniceto Dias
Editor : Agapito de Deus
