Lafaek news—Autoridade Protesaun Sivil (APC) iha tempu badak sei halo distribuisaun material rekuperasaun ba familia uma kain 302 iha munisipiu 4 kompostu Ainaro Manufahi Lautem no Ermera,
Sekretaria Estadu Protesaun Sivil, Domingos Mariano Reis informa APC halo ona lansamentu aprovasaun ba familia afetadu ba dezastre naturais hamutuk uma kain 302 iha munisipiu 4 sei halo distribuisaun material rekuperasaun iha tempu badak.
“Semana rua ba kotuk lansa ona iha nee ba munisipiu 4 ne’ebé Ha’u aprova ona 302 xefe de familia rekupera Parese semana ida ne’e nia laran Ita apoia ona orsamentu maun de obra transporte ba iha Lospalos para bele distribusi ba iha vítima sira nia liman,”nia dehan.
Nia afirma sei prepara mos materia rekuperasaun ba munisipiu Ainaro Manufahi no mos Ermera ne’ebé sei halo distribuisaun iha tempu besik.
“Ita prepara hela material Rekuperasaun Ba iha Ainaro total 37 xefe de familia same Manufahi 51 xefe de familia Ermera 112 xefe de familia no lospalos 111 total 302 xefe de familia ne’ebé Mak aprova ona material Rekuperasaun prepara Hela Ita Hein katak semana Ida Rua nee Ita resolve ona munisipiu 4”
Entretantu dadus xefe de familia uma kain 701 mak afetadu ba desastre naturais, iha ona autoridade protesun sivil hodi distribui material rekuperasaun no rekore ba fundu kontijénsia maun de obra transporte hodi halo distribuisaun ba familia afetadus, no total dadus husi fulan Janeiro ho Fulan februari autoridade protesaun sivil rejista ona uma kain 1003 afetadu ba Dezastre Naturais no Ema nian 1 lakon vida.
Jornalista : Felix Fernandes
Editór : Agapito de Deus
