Lafaek News—Mundu tomak Selebra Loron internasional ba labarik, Espoza Prezidente Repúblika, Cidália Nobre Mouzinho Guterres, vizita ba-datolu iha sentru Miguel Magone iha selebrasaun loron mundiál labarik hodi apoiu nesesidade bázikas.
iha diskursu espoza Xefe Estadu ne’e, hatoo nia agradesimentu no parabens ba labarik sira relasiona loron esepsial ba labarik sira iha mundu inklui Timor Leste.
“Vizita ida ne’e la’os primeiru-ves mai ha’u, maibé ami mai vizita ba-dala tolu ona no ami mos prepara nesesidade bazika ba sira ne’ebé hela iha ne’e no deseza ba loron internasional labarik nian tanba ne’e hatoo parabens ba labarik sira hotu iha mundu tomak espesial ba labarik sira iha Timor,” dehan Espoza PR ba jornalista iha Sentru Miguel Balide Dili, tersa (01/06/2021).
Espoza Prezidente Cidália Nobre Mouzinho Guterres, espresa situasaun ne’ebé alin sira hasoru tenke iha solusaun atu nune’e sira bele livre hanesan mos labarik sira seluk.
“Ami mai iha ne’e laos signifika atu tau matan deit ba labarik sira iha ne’e maibé ita sei tau matan hotu ba labarika sira iha rai laran liu liu sira ne’ebé da-daun ne’e hela iha uma mahon no sei buka meius atu labarik sira la bele sai vítima ba ema seluk nia hahalok,” Nia afirma.
Nia deklara, Plan Internasional iha ona planu ajuda labarik sira iha Sentru Miguel Magone, tan ne’e hatoo sentimentu gratidaun boot ba Plan internasional ne’ebé atu ajuda labarik sira iha fatin mahon ne’e.
Diretor Sentru Miguel Magone, Damião Perreira hatoo agradesimentu ba espoza nia prezensa no apoiu ba Sentru Miguel Magone.
“Agradese ba espoza prezidente repúblika ne’ebé durante ne’e sempre ajuda selu labarik sira nia eskola nune’e mos ha’u husu ba inan nasaun nia atu fo hatene ba prezidente katak tenke halo lei ida hodi proteze ba direitu labatik sira nian,” nia sujere.
Núne’e mós reprezenta labarik sira iha Sentru Miguel Magone, Anastácia sente kontente tebes ho prezensa Espozan PR Cidália Nobre Mouzinho Guterres nia prezensa, tanba hanesan inan nasaun no inan ba labarik hotu iha Timor Leste.
Jornalista : Orlando Magno
Editór : Agapito de Deus
