Lafaek News—Progama Nasoens Unidas ba Dezenvolvimentu (PNUD) no Institutu Internasionál ba demokrasia hamutuk ho Asistensia Eleitoral (international IDEA) asina akordu ida atu inisia parseria ba apoiu Orgaun Administrasaun Eleitoral hodi prepara manual no planu atu konduz Eleisaun reziliente liu-husi Projetu ho naran (COVID Resilient Election in Timor-Leste) ne’ebé finansia husi governu Japaun.
iha komunikadu impresa ne’ebe lafaek news asesu iha tersa (01/06/2021) husi media ofisial PNUD, sita katak ho meiu parseria ida ne’e, Internasional IDEA sei fornese koiñesementu tékniku ba orgaun administrasuan eleitoral iha aspetu dezenvolvimentu no validasaun planu no manual kona-ba oinsá prepara no hala’o eleisaun tuir akordu autoridade saúde no siguransa nune’e mos bele garante integridade eleitoral.
Internasional IDEA halo tiha ona monitoriamentu COVID nia impaktu iha demokrasia no halibur lisaun aprendidas globalmente atu fasilita pratika di’ak-liu no mos versadu di’ak iha aspetu apoiu eleitoral.
Tanba ho Blokeiu COVID-19, Serimonia asinatura hala’o deit ho virtualmente, PNUD nia representa husi Residente Representativa Munkhtuya Altangerel ,enkuantu International IDEA representa husi Diretor ba asia no pasifiku Leena Rikkilä Tamang.
Serimonia asinatura ne’e testemuña husi Koordenadór Residente ONU Roy Trivedy,Presidente Komisaun Nasionál Eleisaun Alcino Baris, Diretor Jerál Sekertariadu Tékniku Administrasaun Eleitoral, Acilino Branco, no Embasadór Japaun iha Timor-Leste Kinefuchi Masami.
“Ohin marka inísiu parseria forte, frutifera no opurtunu ho Internasional IDEA hodi salvaguarda demokrasia representativa hasoru COVID” tenik Munkhtuya Altangerel,PNUD nia residente representante.
Japaun konsistentemente apoiu prosesu eleisaun demokrátiku Timor-Leste nian iha maneira no meus oin-oin dezde tinan 1999. Ho baze asistensia no koperasaun ho PNUD existe durante tinan 10 ba kotuk, ohin ita lansa projetu seluk ho PNUD no IDEA Internasional atu reforsa dezenvolvimentu demokrasia iha nasaun ida ne’e, ne’ebé enfrenta desafiu bo’ot kauza husi COVID-19 no desastre naturais. Ha’u fortemente hein katak, projetu ida ne’e sei susesu bo’ot ida-tan” heteten Kinefuchi Masami, Embasador Japaun ba Timor-Leste.
Pandemia global teste tiha ona reziliensia husi demokrasia iha mundu tomak. Ita haree tiha ona ezemplu eleisaun ne’ebé interompidu no descarriladas, iha tempu hanesan krize bele lori inovasaun eleitoral, no mos aumenta efisiénsia operasional iha partisipasaun.
“IDEA International hamutuk ho PNUD, hakarak apoiu STAE no CNE nia esforsu atu organiza eleisaun 2022 ho seguru no integridade” haktuir Leena Rikkilä Tamang, Diretora ba Asia no Pasifiku.
Ba informasaun , ka intervista bele kontaktu : Xefe Unidade Governansia PNUD, Youngchan Kim, youngchan.kim@undp.org, Mobile 78454481, Jestor Projetu CORE-TL PNUD, Tito Filipe, tito.dacosta@undp.org, Mobile 77269279
