Lafaek News—Sekretariu Estadu Kooperativa (SEKoop), promove produtu kooperativa “bafo kayrala” produtu ne’ebé ho kualidade no kobre ona munisipiu, Kovalima, Likisa, Bobonaru, Lautem no Manufahi.
Sekretariu Estado Kooperativa, Arsénio Pereira da Silva, hateten husi SEKoop kada tinan halo promosaun iha nasional, orientasaun husi Primeiru Ministru sei halo promosaun iha kada munisípiu inklui iha suku sira iha territóriu nasional.
“Ida ne’e hanesan atividade SEKoop nian ne’ebé rutina ami sempre halo promosaun ba produtos (Bafo Kayrala) iha kata tinan, maibé la’os de’it fim do ano mak halo, antes ida ne’e mos ami halo iha nivel munisípiu tanba ami mós simu orientasaun husi Primeiro Ministru katak iha promosaun tinan kotuk ne’e hateten labele iha nasional de’it, maibé tenke halo mós iha munisípiu, postu no suku sira atu nune’e ema bele koñese, tanba ba oin produto ida ne’e sei oferese tan ba merenda eskolar no ba konsumo Rai laran nian,” SEKoop Arsénio Pereira da Silva ba jornalista sira iha Salaun Delta-Nova Kuarta 18/12/2024
Arsénio argumenta, atividade SEKoop nafatin halo promosaun produtu batar Kayrala, tanba durante ne’e promove hela de’it iha fatin hotu, maibé hanesan ohin rekoñesimentu husi parlamentu nasional no membru governu balu dehan presiza fo tan rekoñesimentu ba iha komunidade sira bele hatene.
Nia hatutan produtu “Bafo Kayrala” dadaun ne’e stok sei menus tanba ne’e seidauk fornese fini ne’ebé diak, ho ida ne’e produz tuir époka ne’ebé prepara de’it ba iha fini no époka tuir mai sei produz iha munisípiu tomak kuaze 444 ektares hosi fini ba Produto Bafo Kayrala.
“Kuaze Munisipiu tomak maibé barak liu iha Covaima, Likisa, Maliana, Lautem no Manufahi agora dadaun sira ninia area bo’ot ba produz nune’e mos Lospalos, sira seluk mos iha tarjeitu hotu atu kultiva maibé, problema balu ne’ebe infrenta husi ita nia kooperativa sira atu produz ne’e, no liu-liu atu halo preparasaun rai.
Equipa Lafaek News
