Lafaek News—Sekretáriu Estadu ba Kooperativa (SECoop) Arsenio Perreira da Silva ho Komitiva, segunda feira foin lalais, hasoru malu ho komisaun D Parlamentu Nasionál (PN) hodi ko’alia kona-ba Orsamentu Jerál Estadu (OJE) ba tinan 2024 nian ne’ebé mak alóka ba SECoop.
Arsenio espelika, Orsamentu Jerál Estadu ba tinan 2024 nian ne’ebé SECoop Propoin hamutuk montante millaun 5.2 ho programa prioridade ha’at (4) mak hanesan Saláriu Vensimentu, Bens Servisu, Kapitál Menór no Transferénsia Públika.
“SECoop Propoin OJE ho montante millaun $5.2 iha tinan ida ne’e, hodi responde ba Rubriga kategória ha’at mak hanesan, Saláriu Vensimentu, Bens Servisu, Kapitál Menór no Transferénsia Públika,” Hateten Sekretáriu Estadu ba Kooperativa, Arsenio Pereira da Silva, ba jornalista sira iha PN, Segunda, 04/12/2023.
Iha oportunidade ne’e, SEKoop rekomenda atu IX Governu tenke tau prioridade ba kooperativa produsaun agrikola ne’ebé fóka liubá batár Kairala nop ida ne’e sai hanesan programa primeiru oinsá atu hasa’e no halo p rosesamentu ba produsaun agrikola ne’e rasik.
Alende nafatin fasilita produsaun ki’ikoan hirak ne’ebé maka sai ona hanesan ramu ba iha kooperativa sira seluk, maibé faze no etapa da-huluk maka produsaun agrikóla ne’ebé sai ona prioridade ba tinan 2024.
“Grupu kooperativa barak tebes mak ejíste iha ita ra’in, maibé hirak ne’ebé mak Resjístu iha SECoop hamutuk 219 kooperativa ho ramu oin-oin, ho konsolidadu sira nia kapitál ne’ebé iha ne’e hamutuk millaun 15, ne’ebé hari’i husi sira nia kapitál rasik iha Munisípiu hotu,”esplika Arsenio.
Sekretáriu Estadu ne’e aprofunda Liután, kona-ba OJE 2024 nian SEKoop mós nafatin preve iha kapasitasaun ba kooperativa hotu, nune’e hodi haforsa instituisaun kooperativa ne’e rasik jestaun kontabilidade.
Enkuantu, ezekusaun ba programa OJE iha tinan ne’e nian, SECoop Ezekuta ona pursentu 86,96, no SECoop rasik garantia katak prosesu ezekusaun ne’e sei tama iha pursentu 90.
Estajiadu : Andre da Costa
Editor : Marcos da Silva Araujo
