Lafaek News--Sekretáriu Estadu Komunikasaun Sosiál (SEKOMS), Mericio Akara fo apresiasaun Jillo Exposto ho naran famozu Jilo Exposto husi munisipiu Ainaro ne’ebe hetan primeiru lugar iha kompetisaun content creator youtube Timor Leste ho valor $.1,000.00.
“Kreatividade hirak ne’e ita apresia fasilita Youtuber Joven sira ne’ebé mak iha talentu iha era dizital agora sira produs konten oi-oin, hanesan nasaun ita tenke fasilita kreatividade hirak ne’e tanba mai husi matenek poténsia sira rasik nian,’’ Mericio Akara hatoo asuntu ne’e iha serimonia ba manain iha kompetisaun youtuber iha palasiu governu, sesta (30/07/2021).
Governante hatutan, liga ho kreatividade joven sira nian governu liu husi SEKOM iha dever no responsabilidade atu kanaliza sira nia matenek ba youtuber iha situasaun propagasaun pandemia covid-19, presiza tebes ema hotu nia kontribuisaun liu-liu joven sira ne’ebé kreator produz konten ne’ebé pozitivu hanesan parte apoiu governu atu kombate lia falsa (hoax) iha ámbitu atake covid-19.
Iha fatin hanesan, Reprezentante Juri ba kompetisaun ne’e, Eujenia Ribeiro, salienta prosesu ne’e liu husi avaliasaun ne’ebé vigora husi ekipa juri, husi ne’e video ne’ebé tama hamutuk 88, maibé iha video hirak ne’e video 28 video hatudu kualidade di’ak, nune’e juri konsidera no apresiasba sira nia produsaun, kriteria husi ekipa juri uza hodi avalia video hirak ne’e ba dahuluk haree husi ninia orijenalidade signifika labele kopia husi ema seluk nia produtu.
‘’Video hirak ne’e mos bazeia ba tema ne’ebéhusi kompetisaun ne’e aprezenta antes, bainhira lansa kompetisaun , video hirak ne’e tenke tuir dramas istória ka alur cerita ne’e tenki iha, video hirak tenke iha kreatividade, avaliasaun ba video ne’ebe iha karakter edukativu inspirativu inklui ho karakter divertimentu, tan ne’e tékniku edisaun ne’e tenke diak no étika no haree ba valor ba ekonómiku, katak reprezentante juri ne’e.
Joanico Lopes Costa, nu’udar manan nain dahuluk (primeiro lugar) ba kompetisaun konten kreatór youteber, sente kontente ho oportunidade, tanba bele okupa vensedór dahuluk iha tema Suporter Turizmu Lokál.
‘’Ida ne’e hanesan apresiasaun ba ha’u atu motiva tan ha’u halo tan konten video ne’ebé ké ha’u halo antes, ba futuru ha’u koko hadia di’ak liután kualidade video ne’ebé ha’u hetan primeiru lugar ne’e,’’ Joanico apresia.
Manan nain ne’e mós sujere ba governu atu tau matan ba Timor-oan sira ne’ebé halo sira nia atividade barak iha youtube, tanba ne’e fahe informasaun ba mundu tomak ho konten creator ne’ebe oi-oin.
Jornalista Estajiáriu : Azelio da Cruz
Editór : Agapito de Deus
