Lafaek News—Sekrétaria Estadu Igualidade selebra akordu ho Asosiasaun Feto Munisipal (AFM) 12 inklui Raeoa inklui organizasaun noun-governamental 6 hodi fo formasaun ba feto sira durante loron tolu.
Sekrétaria estadu Igualidade Elvina de Sousa Carvalho informa akordu entre SEI ho Asosiasaun Feto Munisipal no sosiedade sivil oinsa atu hakbiit feto iha area vida polítika iha baze.
“Ohin SEI selebra asina akordu Asosiasaun Feto Munisipal, sosiedade sivil ne’ebe durante servisu ba prevensaun violénsia bajea ba jeneru no hakbiit feto iha polítika nune’e ita mos haree feto prontu lidera ne’ebé durante Hakbiit feto iha polítika ne’ebe konsistensia husi Ong tolu hanesan MOFE, Caucus ho Patria, ngo tolu ne’e durante halo atividade hakbit feto iha polítika, tan ne’e ohin sekrétaria estadu Igualidade selebra akordu Ho Sira iha akordu ohin ne’e inkluzivu tebes, inklui mos Asosiasaun Defisiensia Matan Asosiasaun Defisiensia Tilun no Komunidade LGBTQ+ iha Timor Leste, Elvina đe Sousa Carvalho ba jornalista sira iha salaun Maria Goreti Kaikoli, tersa 01/07/2025/
Elvina dehan, Asosiasaun feto ninia papél importante iha munisípiu, tan ne’e fasilita formasaun ba sira sai hanesan bukae ida ba sira hodi hala’o sira nia atividade iha munisípiu.
“Ita presija duni Hakbiit no fo kbiit ba Asosiasaun Feto Munisipal sira hotu hodi halo atividade formsaun prepara ba eleisaun kámara munisipal no poder lokál ne’ebe tuir planu governu sei realiza iha 2027/2028 ne’ebe ita presiza hakbiit feto iha polítika hodi prepara ba eleisaun poder lokál nee”
Fundus ne’ebé SEI fo ba Asosiasaun Feto no sosiedade sivil sira hamutuk 116.000 mil ne’e mai husi orsamentu transferensia públiku ba SEI hodi nune’e SEI atribui fali ba Asosiasaun Feto no sosiedade sivil sira Timor Leste.
“Ha’u fiar ho apoiu ne’ebé sekrétaria estadu fo ba asosiasaun feto munisipal no Ong sira bele kontribui ba Desenvolvimento inkluzivu Tamba SEI Hamutuk ho Sosiedade sivil ne’ebé ohin asina akordu nee balu foin primeira vez maibe Sira seluk sai ona parseiru ho prinsipal sekrétaria estadu ba Tinan naruk”
Iha fatin hanesan Diretor AHDMTL Gabriel de Sousa hateten Fundus 4000 mil ne’ebé ohin asosiasaun defisiensia matan hetan ne’e atu empodera feto defisiensia matan nia area ekonomia nian.
“Ho apoiu ida nee atu empodera ekonomia feto defisiensi sira iha area ekonomia Nia nu’une atu hakbit grupu Sira Nia aktividade loro-loron Nia no hasae kapasidade Feto defisiensia matan sira nia koñesimentu no atividade ne’ebé atu halo revisaun ba planu estratéjiku no ida seluk atu halo resiklajen transformasaun lixu ba kreatividade”
Entretantu formasaun koron tolu ne’e formador sira mai husi Ministériu Administarsaun Estatal Komisaun Nasional de Eleisaun no Sekretaria Estadu Igualidade rasik.
Jornalista : Moises Guterres
