Lafaek News—Kuarta 11 Maiu 2021 Sekretaria Estadu Formasaun Profisionál Empregu halo akordu kooperasaun ho United Nation Development Program (UNDP), hodi apoiu joven sira liu husi kapasitasaun oinsá bele hetan osan rasik, iha programa estajiu nasionál.
Sekretariu Estadu Formasaun Profionál Empregu (SEFOPE), Alarico do Rosario hafoin seremonia asina akordu ho UNDP ba programa estajiu profisionál, hatete asina Mou ne’e SEFOPE ho UNDP, objeitvu fó apoiu ba joven sira liu husi programa estájiu nasionál.
“Ohin seremonia ida ne’e UDP apoiu SEFOPE liu husi programa estajiu nasionál hodi tulun ita nian alin foin sae sira ne’ebé maka hetan graduasaun iha universidade liu husi programa sira bele halo estajiu para bele hetan esperensia ba future,” hatoo nia ba Jornalista iha SEFOPE Kaikoli, ohin.
Nia afirma, programa ida ne’e rasik ba dauluk benefisia ba ema nain 80, no progrma ne’e rasik sei halao durante fulan Tolu nia laran “Programa ida ne’e sei fó prioridade ba iha área kapasitasaun ba joven sira iha área oinsá halo negosiu ki’ik, industrias, no area sira seluk,” dehan Alarico.
“Ita nian joven sira ne’ebé hakarak hakarak tuir programa estajiu nasionál ne’e sira rasik maka mai tau naran iha SEFOPE nune’e ami maka sei lori sir aba halo estajiu iha institusaun revante ne’ebé sira hakarak”, dehan Governante ne’e.
Sekretariu Estadu Formasaun Profionál Empregu (SEFOPE) , Alarico do Rosario husu mos ba joven sira atu aproveitaprograma estajiu nasionál ne’e, tanba iha área barak maka interesadu atu aprende oinsá nune’e bele hetan osan rasik.
Iha fatin hanesan representante residensia UNDP iha Timor-Leste, Munkhtuya Altangerel hateten, UNPD asina akordu ho SEFOPE hodi Apoia fundu 6 mill, liu husi programa estajiu nasionál, hodi kapasita joven ne’ebé seidauk iha servisu hodi bele kria ba futuru, bele kria merkadu traballu ba sira nian aan.
“Ami nian programa ho SEFOPE ne’e foin maka atu hahú ami fiar sei fó benefisu bafoin sa’e timor-aon sira,” nia deklara tan,
Tanba UNDP iha esperensia antes ne’e tulun ona joven Timor oan balu liu husi asistensia apoiu fundu balun hodi kapasita sira iha vida imprendodismu no ba programa ida ne’e rasik susesu.
“Ami nia susesesu bo’ot antes ne’e ami apoiu joven sira halo negosiu liu joven iha knua fila lima no dadaun ne’e sira susesu, ida ne’e maka ami nian susesu ida,” tenik nia.
Reprezentante UNDP ne’e mos afirma komprometidu, sei kontinua apiu SEFOPE iha futuru, liu husi programa estajiu nasionál, hodi bele kapsita joven sira li-liu joven ne’ebé remata universidade maibé ladauk hetan servisu. Hakotu nia.
Jornalista : Rita Moniz
Editor : Agapito de DEus
