Lafaek News–Sekretariu Estadu Formasaun Professional Empregu (SEFOPE) liu husi Diresaun Nasional Emprego Exterior DNEE）realiza serimonia despedida hodi asina deklarasaun ba traballdór Timor-oan nain 75 hodi ba servisu iha Austrália iha tempu badak.
Sekretáriu Estadu Formasaun Professional Emprego, Alarico do Rosario informa, traballador sira ne’ebe atu ba servisu iha Australia tenke asina deklarasaun atu nune’e fo garante ba familia ho governu.
Ita nia maluk sira neebe atu ba servisu iha Australia hamutuk 75 hotu hotu tenke iha regulamentu tenke asina deklarasaun atu fo garantidu ba familia no mos ba sefope katak sira ba sei la kontra sira nia eskrita iha deklarasaun”，dehan Alarico ba jornalista lafaek news iha Tower Bar Fatuhada segunda foin lalais nee
Nia dehan semana oin traballador sira aranka ona ba Austrália , servisu sessional worker, maibe agora muda fila-fali ona ba FAO servisu hanesan baibain, servisu toos kuu ai-fuan tuir servisu ne’ebe iha.https://www.lafaeknews.tl/traballador-timor-oan-66-sei-semo-ba-korea-iha-fulan-nee/
Nia dehan, nudár Timor-oan, joven ne’ebe diak hatudu disiplina atu nune’e oportunidade ne’ebe iha ema fo fiar nafatin mai Timor-oan hodi ba kontinua servisu iha Austrália.
Iha fatin hanesan kandidatu trabllador Austrália, Paulino Maria da Costa, sublina sente orgullu tebes, tanba primeira vez foin hetan oportunidade hanesan osan mean, kompromete sei servisu badinas iha Austrália.
Ha’u orgullu tebes, tanba primeira vez hetan oportunidade ne’e no oportunidade ne’ebé ha’u hetan ne’e hanesan osan mean ida mai hau, tanba durante iha Timor joven hanesan des-emprego la hetan servisu, ha’u sei uza oportunidade ida ne’e ho diak hodi ba servisu sustenta ha’u nia moris no familia sira nia moris, ha’u agradese mos ba SEFOPE bele fo espasu diak mai ha’u,’’katak Paulino.
Iha sorin seluk, kandidatu traballadora Matilda de jesus Carvalho mos sente kontenti bainhira hetan oportunidade ne’e, tanba durante ne’e esforsu an makaas sei halo tuir regras servisu, tanba nia rasik hakarak ona hodi ba servisu iha Australia hodi sustenta ba ninia familia sira.
Jornalista ：Domingas Viana
Editor : Agapito de Deus
