Lafaek News–Sekretariu Estadu Formasaun Professional no Empregu (SEFOPE), liu husi Prezidente Nasionál Kontra Traballu Infantil, Aniceto Leto Soro relata, liu husi rezultadu peskiza kualitativa no kuantitativu ne’ebé halo iha tinan 2016-2022 eziste traballu infantil besik 52 mlil ne’ebe konsideradu servisu ne’ebe la dignu.
Prezidente Nasionál kontra traballu infantil, Aniceto Leto Soro, hatoo asuntu ne’e ba jornalista sira iha loron segunda (06/06/2022), hafoin remata enkontru semanal ho atùal Prezidente Repúblika José Ramos Horta ho hodi diskuti kona-ba servisu ne’ebe traballu infantil halo ona no planu ba oin, hamutuk no parseiru dezenvolvimentu sira, organizasaun dezenvolvimentu husi UNICEF.
Ami apresenta ami nia servisu ne’ebé mak durante ne’e ami halo ona, ami halo peskiza nasiónal kualitativa no kuantitativu ne’ebé mak ami halo tiha ona iha 2016 no 2022 ne’ebé eziste traballu infantil iha Timor-Leste porvolta de 52 mil konsidera servisu ne’ebe at, prejudika sira nia edukasaun, dezenvolvimentu fiziku no intelektuál “, hatete Presidente Nasionál kontra traballu infantil Aniceto Leto Soro hafoin remata enkontru ho Prezidente Repúblika José Ramos Horta iha Palásiu Prezidensiál bairo-pite segunda (06/06/2022).
Tuir Presidente Kontra Traballu Infantil katak, hirak ne’e presiza tau iha asaun mediatus, iha planu asaun ba kontra traballu infantil hodi nune’e bele elimina ou alternativu saida mak bele fo, liliu servisu hamutuk ho liña ministerial ne’ebé mak kompetentes iha area traballu Crianças.
Ami mos apresenta katak ami apresenta ona ba MEKAE, planu Nasionál kontra traballu infantil ne’ebé durasaun ho tinan 5, Presidente Repúblika iha vontade atu ko’alia ho Primeiru Ministru para bele abansa prosesu ida ne’e”.
Tuir peskiza ne’ebe iha Labaraik sira servisu ho tinan 5-17 iha munisípiu ne’ebé barak liu mak Aileu, Ainaro, Ermera,Oe-cusse, Suai.
Entretantu ligadu ho asuntu ne’e Presidente Repúblika Josè Manuel Ramos Horta sei hatoo ba Primeiru Ministru no tempu badak sei halo diskursus ba publiku.
Jornalista : Rita Moniz
Editór : Agapito de Deus
