Lafaek News—Sekretariu Estadu Formasaub Professional no Empregu (SEFOPE) prepara ona traballadór Timor-oan hamutuk 71 sei semo ba servisu iha Korea.
“Sira nain 71 ne’e iha area rua, area peskas ema hamutuk 41 no area fábrika hamutuk 11,” Diretór Nasional Empregu Estranjeiru, João Correia Pereira, ba jornalista sira iha Timor Light semana ne’e.
Iha serimonia asina deklasaun ne’e partisipa direta husi Sekretariu Estadu Formasaun Profissional Emprego no reprezentante Ardeh Korea iha Timor-Leste no mos inan aman husi Timor-oan ne’ebé ati ba servisu iha Korea.
“Ita hamutuk iha ne’e Ita atu husik hela ita nia alin sira hamutuk 71 pessoas husi 71 ne’e lolos 74, maibé iha nain ida iha problema uma laran, inan-aman moras nia labele halo viajen, no nain ida hetan servisu iha ne’e di’ak ituan ona lakohi ba Korea, iha nain ida tan hakarak kontinua eskola, entaun nain 71 mak hakarak prontu ona atu ba servisu iha Korea,” nia afirma.
Diretor DNEE ne’e informa, iha inisiu fulan marsu sei iha tan sei númor boot tebes atu ba Korea, hein katak programa ida ne’e fo oportunidade barak tebes ba joven sira ne’ebé iha vontade atu servisu iha Korea.
“Ha’u hakarak hatete ba maluk joven sira alin sira kolega sira ba servisu karik ba kuidadu an ba ho diak servisu ho diak Familia husik ho diak fila-fali mai ho diak para Ita boot sira bele aproveita buat ruma iha neeba lori mai bele dezenvolve Ita nia rai Ida nee no ba famiia sira,” lia menon ikus husi DNEE João Correia Pereira.
Iha fatin hanesa, Sekretariu Estadu Formasaun Professional Emprego, Rogério Araújo Mendonça apresia Diresaun Nasional Emprego Estranjeiro (DNEE) hodi haruka tan traballadór ba Korea.
“Agradese ba Diresaun Nasional Emprego Estranjeiro, ne’ebé servisu diak tebes oin prepara Ita nia traballadór 71 pessoas hodi desloka ba nasaun Korea, parabens ba DNEE, tuir mai parabens mos ba traballadór sira ne’ebé hetan oportunidade hodi servisu iha Korea, hanesan Ita boot sira hatene Ita boot sira akompaña traballadór sira atu ba tama iha Korea ne’e la fasil, sira presisa tuir formasaun fulan 6, balun ne’ebé iha kapasidade sira bele liu kedas iha fulan 6 ida primeiru, maibé balun kapasidade ladun di’ak bele tuir tinan ida tinan rua ho tinan ida ho balun maka hetan oportunidade hanesan nia alin siraagora hetan ne’e, nain 19 ne’ebé reinti Ha’u hanoin Ita boot sira iha esperénsia lubuk ida iha Korea, maibé ema nain 52, ita boot sira ema foun serimonia ida ne’e sai mos hanesan tradisaun ida, saida mak estadu fo mensajen ba ita boot sira núdar oan, núdar alin núdar familia, ita boot sira hala’o kna’ar iha nasaun Korea hala’o ho responsabilidade servisu tinan 4 la’os loron 4 la’os semana 4, Ita boot sira atu destaka ba imi iha area fábrika no area peskas maioria iha area peskas, entaun saida ita boot sira prepara hodi servisu iha ne’eba tenke disiplina servisu iha tasi laran la’os servisu iha rai maran fatin risku,”SEFOPE Rogério sublina.
Governante ne’e husu ba traballadór tenke hatudu responsabilidade ba kompaña hodi hasa’e kresimentu iha nasaun no familia, servisu ho disiplina no respeita Korea nia kultura no regras.
Jornalista : Arnaldo Nunes
Editor : Agapito de Deus
